Popular Bible Verses from 1 Tessalonicenses 4

Share

Waneya wane pnute hixa hiwekatshinwu hixetatshinwu, wannaymakananuko hwapkalunepwu hohimkohiya, tenhohne wyoptoxinri Tsru Hixikatshriwa Jesus. Hiyáhoni wumuthohnekanatanutkalu Tsru Hixikatshriwa Jesus.

Klu tshinanu mitshikananhapka waneyaplu sapletshi towutkaluru himapa, waneyapa hiwejikaluru Hoyakalu towrerune tenhohne hajene towutatshri plama hima, waneyapa Hoyakalu kowne hima, waneyapa Tsru Hixikatshriwa Jesus potuko tenhohne hserpijini. Waneyapa hipnatshine Cristo tshinanu yotunohapkatanu.

Xyekni ralujyahi Hoyakalu, potukalune hixyawakapa, ptowru hapoklewluko kotspalaxikatshinwahi. Satkaka hixa jejinhi haluka wan-hixletna hhanunrone Hoyakalu halujyawak-potuko hiyrun-koxa kihleruya yine hetanuya.

Klu tshinanu walixiniplu Jesus hipniywaka pirana hiyrun-koxa riwejyawakatnaka hipnatshine tskalaya pirana walixini waneko pixka rixa hwapletanna Hoyakalu hipnatshine Jesus halixatshinni Jesus-yma.

Hijhalu kihle poko hixyawaka. Hixanuko himuprukanu. Hixako himyoyma hkamrurewaxini wtshin-towutlexyawakhi pixka.

Klu tshinanu Hoyakalu hi tshanixatkawu hektutu kapatmenuru wkamhiywaka tshinanu seyni kihleru, Hoyakalu halukanruko wkamhiywaka tshinanu halikaka.