Popular Bible Verses from Romanos 8

Share

Sa'deenqata quiyim ñi qota'olec ỹaqatqajantari' ná'ogue nanchaqaina leloxoỹaxaquipi, ma' ỹahotaque ỹachigoxochichigui cá'maq ỹa'maqachiguiñi llicyaxac nqai'en ná'maq nqo'ta ñi'maxare, quená'maq loỹaxanqatecseripi quiyim ỹahotaque nca'laxatec.

Ca' ỹaatqajam se'taxachichiguiñi quiyim qaica ishit quiyim ỹoỹooterec qomi' queda le'xorenataxanaxa ñi qota'olec coqomi'. Da nelauaxa, chaqai da nca'laxa, chaqai na nelaatqaipi chicqashiguim, chaqai na na'ñaxaquipi chaqai na nquesaxanaxa se re'xogui, chaqai naua seuqatauguilo na'xata' chaqai ca ñaqa naata, loqo'm na hueeto'ot na piguim loqo'm na pa'aañi, chaqai qaica cá'maq liỹa quena lo'ueenatec ñi qota'a ishit ỹoỹoote'ogalo qomi' queda le'xorenataxanaxa ñi'maxare, chicqochigui nqai'en so Cristo Jesús só'maq qara'gaxala'.

Ca' qaican ỹapaguec so Espíritu Santo qai'neeta qarotauan quiyim qaica ca qarquesaxanaxa. Ma' se sa'deenaq ca shinqa'tegue ca qanqouagaxainaxac. Qam chaqaiso so Espíritu Santo rashiilaxanlgoto qomi' quiñi qota'a, qam naua lashiilaxanaxaco so'maxare ỹaatqajam se qaishit qaỹa'xate' naua leloxoỹaxaco.

Ca ¿nega'ỹo' ca shinqac quedajo? No'm ñi qota'a ro'ootaxanlgoto qomi', ca ¿negue' queto' ca ishit quiyim npa'guenta'to qomi'?

Ca' nagui ỹaatqajam qaica ca nouaxanaxaset cá'maq na'deetau'a so Cristo Jesús, quená'maq totqai que'uegue da se no'uen lamaanaxanqachic na loshicmaxa, ta'ta'a so Espíritu Santo queeta'pegue'.

Chaqai quiyim qaỹa'deentapega dá'maq chaqai qom no'ueenataxac, ca' taata'a yi nelauaxa. Qam quiyim qaỹa'deentapega da lo'ueenataxanaxac so Espíritu, ca' qaỹauequeta'a da nca'laxa chaqai da na'maxa.

Qam quedá'ogue dajo senoxonaxatqauec quiyim qomi' quesaxanaxaqa, qam da qarquesaxanaxa chicqo'ot só'maq i'xorene' qomi'.

'Nesa ma' 'vii naua qare'xorico sovirqau'alo nagui, qam sqai 'nejem nqaishin cá'maq ñaqa naata lecaic cá'maq ñouanqau'a ma'le.

Ca ¿negue' queto' ca ishit ỹoỹoote'ogalo qomi' queda le'xorenataxanaxa so Cristo? ¿Peeta'a ishit qaroỹootec da qare'xoric, loqo'm da qanquepaqataxac, loqo'm da qanocanaxac, loqo'm da qarqopaaxa, loqo'm quiyim qaica ca qotooỹac, loqo'm da lichic, loqo'm da nelauaxa? ¡'E', qaica!

Ca' ñi qota'olec ma' ỹa'den aná'ogue ana ne'taxanata, ca ỹa'den negue' cá'maq 'naac so Espíritu. Ma' so Espíritu rashiilaxanaque cá'maq ỹa'maxarenta ñi qota'olec quena' rashiilaxanlec na lalamqateripi ñi'maxare.

Ma' ná'ogue ná'maq queeta'pegue' so Espíritu chicqo'ot ñi qota'a, na'maxare ỹaatqajam llaalqaipi ñi'maxare.

Ma' ná'maq ñaqai queeta'pegue' da lamaanaxanqachic na loshicmaxa, ca ỹa'deentapega dá'maq chi lo'ueenataxanaxac na loshicmaxa. Qam ná'maq queeta'pegue' da lo'ueenataxanaxac so Espíritu Santo, ca ỹa'deentapega da no'ueenataxac so'maxare.

Ma' ñi qota'olec se ỹauotegue so lalamaxaret llaalec, ta'ta'a quiyim ỹaañiguit da lelauaxa coqomá'ogue. Ca ¿huose'quet sqai ỹaanema qomi' ná'ogue nanchaqaina quiyim qaralamaxat?

Ca' chaqaiso só'maq Espíritu só'maq necoñiguit ñi qara'al, quiyim 'nerac quiyim mashic qomi' llaalqa ñi qota'a. Ca' quiyim mashic qomi' llaalqa, ca qai'neeta sovirqau'a quiyim seconaxaguit dá'maq ỹachaxantac ñi'maxare coqomi'. Ca ỹaatqajam ñouanqa'te' so Cristo, no'm chaqaiyi quiyim qare'xoyaxaua nagui so'maxare. Ca ma' ime, ca' ñouanqau'a ma'le da lauaq so'maxare.

Ná'maq ỹa'deentapega da lo'ueenataxanaxac na loshicmaxa, ca' npa'guenaxaua ñi qota'a, ma' se nqo'ta chaqai qalana'a quiyim quelgoto naua laqataxaco.

Ca' 'xoic da nishoxo chaqai da quitaxac quiyim ma' ná'ogue na lo'ueenatqaipi ñi qota'a nauaanta'a cajo laloqo' quiyim ma' na llaalqaipi ñi'maxare qaỹachaxanec da no'ueenataxac.

Ma' sa'deenqata quiyim vire'ta nagui ná'ogue ná'maq lo'ueenatec ñi qota'olec ỹaualqatac, chaqai 'ue da le'xoric, 'nejem aca 'aalo quena' shim co'o.