Popular Bible Verses from Romanos 13

Share

Ta'ta'a quiyim ỹaatqajam 'goxoñiỹa so qara'gaxala' Jesucristo, chaqai totqai 'yiiñiỹapega quiyim quiitalec na se no'uen lamaanaxanqachic na roshicmaxahi.

Sqaco' ra'uallii quená'ogue, ta'ta'a quiyim quiñi 'óna i'xoren ca liỹa; ma' cá'maq i'xoren ca liỹa, ca ỹomachigui da laqataxaquipi ñi qota'a.

Ca ná'ogue na qom ỹouen quiyim na'xaỹaxana ca 'naac na nashillipi. Ma' qaica quet cá'maq nashi sqai chicqochigui ñi qota'olec, chaqai ná'maq neetaho ro'ueenataxantac nagui, ỹo'viijñi ñi'maxare.

Ma' nagui, ca 'eco' mashic ỹoxo'ogue na pe, ca tot qoỹoxoguit ca na'xa'a. Ca vichiguiño' 'maxaraic saxanqaiñi naua qaỹo'ueeteta'pe quen quena napalaxa, ca sanqaiñi naua qaro'goxonqate', shinqata ca neetaho quena nouaataxanaq queetagui yi na'xa'a.

Ma' cá'maq 'ue ca le'xorenataxanaxa se na'axat ca liỹa. Ca vichiguiño' da ne'xorenataxanaxa ỹaatqajam ỹomachichigui dá'ogue da laqataxaquipi ñi qota'a.

Vichiguiño' quiñi 'óna qom qoỹaanem cá'maq laloqo' cá'maq lalamaxat. Quená'maq hueeto'ot aca na'uale quená'ogue ná'maq tai'a quiyim qaishiueten, ca chaqa'ma' qaishiueten. Chaqai quecá'maq qaỹa'maxate'tegue, ca 'maxachi'tegue. Chaqai cá'maq qaimaqajan, ca' maqachiiñi.