Popular Bible Verses from Romanos 11

Share

Ma' ná'ogue nanchaqaina chicqo'ot ñi qota'olec, chaqai chi lo'ueenatqaipi ñi'maxare, chaqai chi lalamaxareteripi. Ca vichiguiño' ¡se neme semaqachinqatac ñi qota'olec! Ajá'a, chaqaida 'neeta dajo.

¡Ỹaatqajam chalego lecaic da lqouagaxa ñi qota'olec, chaqai da la'deenaxanaxa, chaqai qaỹaataq ca ỹa'den! Chaqai se sa'deenaq quiyim sa'xataxe' naua na'deenaxaco, chaqai vire'ta se sa'deenaxe' naua nayicyaxaco.

Ma' “¿negue' ca ỹa'deene' naua la'deenataxanaxaco ñi qara'gaxala'? loqo'm ¿nega'ỹo' cá'maq ỹapaxaguin ñi'maxare?

Ca' chaqaida 'neeta nagui quiyim ñaqa 'ue ná'maq no'ueenañi quená'maq qanca'au'a ma' qai'xoren quiñi qota'olec. Ca no'm qanqouaguegue quiñi qota'a quiyim qanca'au'a, ca' mesqai chicqochigui quet cá'maq ỹo'uet ca qom; ma' queta'le, dá'maq lqouagaxa quet ñi qota'a, ca' sqai ỹaatqajam nqouagaxa.

Ca 'uo' ná'maq judioipi 'ec lasote aso nanecse leenaxat olivo mashic shi'gue qaichaxauec. Ca quiyí'maq chicqochi'ñi, ca' qaỹa'deuo qami', ma' qami' 'ñiisari'o' na'le aca olivo hueuec. Ca shichi' nouañirau'alo saua lpa'yii chaqai da lca'laxa aso nanecse olivo. Qam 'neeto' lotqai 'ñiisapega paquirauec quenauá'maq ỹaatqajam lasote aso'maxare. No'm 'ñiisapega paquirauec, qam ñaqai 'yiiñira'a quiyim se nolli'sañi saua lpa'yii, ma' sauá'maq lpa'yii chaqaisaua sauá'maq nolliisañi qami'.