Popular Bible Verses from Apocalipsis 3

Share

Ñaqai 'ajñi', ỹim nagui seuete'e na lasom, soỹaxantac. Ca no'm 'ue ca 'xaỹa da ỹoỹaxanaxac, ca ỹauate'oga aỹim queca nasom, ca' senoxonougui ca lauo'. Ca qomi' nqui'ỹaxaua'.

Ỹim sa'den ná'ogue na 'viichi'sac. Sa'den quiyim sqai 'oometam qami' chaqai sqai qami' pa'e. ¡Saxanchi' qami' 'oometam, loqo'm pa'e! Qam ma' chi pa'iigui qami', sqai 'oometa qami' chaqai mesqai qami' pa'e, ca' yisalgue qami'.

Ma' ỹim setaxaỹa'a chaqai salamaxat ca no'ueenataxac cá'maq yqo'ta. Ca' na'ñaxachi'o' chaqai netacocha'e'.

Ỹim sa'den ná'ogue ná'maq 'viichi'sac. Ca' sella'gue dá'maq loqoisa'gue ñi 'ec lasom nauatetagui qaica ca ishit ỹapogui ñi'maxare. 'Eno'm sqai 'xoic ca rquesaxanaxa'e', qam na'xaỹaxañiteta da ỹa'qaatec chaqai mesqai 'xochiriñi aỹim.

Ca cá'maq rauegaxan, ca' sa'ue ma'le ca loma' quiyi ñqa'xanqa' quiyim nashi, 'nejem aỹim ma' sauegaxan, ca ñqa'xanñi cañi nqa'xanaxaqui ñi qota'olec.

Ma' 'ñirac qami' nesallaxanec chaqai quiyim ra'maqaichiriñi chaqai quiyim tot qaica ca viñi'. Qam sqai huañita quiyim sqaica ca ra'maqachi'. Qami' 'xoraic, qaicanqaiyi, qami' qai'laq chaqai ñi'sauec.

Ma' na'xaỹaxañiteta da ỹaqataxac quiyim 'ue da reualaxaviqui'. Ca' quedajo, ca so'ootaxanlec ma'le aqami' quiyim ỹovita ca laloqo' quiyim qai'guen ná'ogue na qomyipi hueetalec ana 'laua.

Sqaỹaloq ñovi'. Lo'qo'ichiriñi ná'maq mashic hueeto'ot aqami', qaiyi qaica ca rouootaxana'gue ma'le ca raviguiqui'.

Nelo'irec, ca 'ñaxachi' dá'maq ñaqa 'ue ro'ueenataxanaxaqui' dá'maq mashic sham imeuo. Ma' ỹim seuana quiyim dá'maq 'viichi'sac se ỹa'maxañi quiñi qota'olec.