Popular Bible Verses from Apocalipsis 1

Share

Ca' 'naac ñi qara'gaxala': “Chaqaỹim ná'maq ỹim 'auaxaic, chaqai spa'aatec”, 'naac ñi qara'gaxala' ñí'maq sqaica lqalanec, ñí'maq chaqai'en 'ue, chaqai ñí'maq chaqai'eno' quen, chaqai ñí'maq naata'quena ma'le.

Ỹim ná'maq yca'leetauec. Ma' yileu na'le, qam nagui, ca' sqaica lqodoc quiyim yca'leetauec. Ỹim llo'qoota'alo soiquenta'pe naua lauaatqate da nelauaxa chaqai quecá'maq lapooqo' na lqui'i na leuaxaiquipi.

Chalego la'maxa quecá'maq retaqalec anajo lere, chaqai chalego la'maxa quecá'maq na'xaỹaxantac quiyim qaretaqalec dá'maq na'qaatec chicqo'ot ñi qota'a, chaqai quiyim ỹaatqajam huelec dá'maq qoỹeretalec anajo lere, ma' mashic tot qoỹoqaque ca lqodoc quiyim re'oq ná'ogue najo.

Ca na' seuana, ca' seuañi, 'ec yileu. Qam so'maxare ỹashil-lec aỹim, ỹahote'e da loic. Ca 'naapiguiỹa': —Totaxan ro'chi'i'. Ỹim na' ỹim 'auaxaic, chaqai aỹim ná'maq spa'aatec.

¡Ñaq ra'iiguit, na Cristo naquetaugui na naueguelec! Ca ná'ogue iuañi'chiguit ma'le, vire'ta ná'maq coñirqachit iuana ma'le. Chaqai ná'ogue na ỹoreta'oguit qomyipi hueetalec ana 'laua ỹaatqajam noỹentagui ma' idaana'guit. Ajá'a, ca' chaqaida 'neeta ma'le.