Popular Bible Verses from Números 13

Share

Ca' so Caleb i'maxañi nqai'en so qomyipi reloqoto'ot so Moisés. Ca 'naaco': —¡Qomi' senqalec ma'le yijo 'laua! ¡Qomi' seshitaq souootaxanqa'gue yi'maxare!

Qai'neeta seuanaxa na ỹalliripi ladocaiquipi só'maq llaalqaipi so Anac. Ca quiyim sauaxaiqate'e' na'maxare, 'ec qomi' piñai, chaqai na'maxare quena ra'iita'alo qomi' qai'neeta 'ec qomi' piñai nqai'ne'.

Qam cá'maq nauegaxauaripio' na'le so'maxare 'naaco': —¡'E', qomi' se seshitaq qolaxau'a yijo qomyipi! Ma' yi qomyipi paguec 'ñaaxaiquipi coqomi'.

Ca saua'maxare 'neraco' queso Israel llaalqaipi quiyim só'maq 'laua ra'ajnaxanta ỹaatqajam se no'uen. Ca 'neraco': —Yí'maq 'laua sa'ajnaxanaxa ỹalauat na qom neetalec yi'maxare, chaqai ná'ogue ná'maq seuanaxa ỹalliripi naalec yi'maxare ỹaatqajam leta'allípi.

Co'na' ime, ca 'neraco' queso Moisés: —Qolaqpegue' yí'maq 'laua qarelachita. Ỹaatqajam llic quiyijo 'laua ỹaatqajam sqoue na huaca lo'i', chaqai na rapic li'i. Ca' najo aná'maq la ana nanecse quiyijo 'laua.

Qam ná'maq qomyipi neetalec yijo 'laua ỹaatqajam quesaxanaxaiquipi, chaqai naua na'aate' ỹaatqajam 'xoic lecalliñi, chaqai qaỹapootau'alo. Chaqai mesqaidaata dajo, ma' seuanaxa qai'neeta na llaalqaipi so ladocaic ỹale leenaxat Anac.

Ca' yi 'laua Néguev neetalec yi llaalqaipi so Amalec; ca yí'maq 'laua 'xoic ana quemaralec qa' ladocai, ca' neeta'ñi na hitita laseripi, chaqai jebuseo laseripi, chaqai amorreo laseripi; chaqai quena lahi aso huaaxai chaqai quena lahi aso lachiugue Jordán, ca' neetalec na cananeo laseripi.

pila yi Cades yí'maq huaugui yi 'laua qaica qom quiyi 'laua Parán. Ma' hueeta'ño'yi so Moisés, Aarón chaqai sá'ogue so liỹaripi Israel llaalqaipi. Ca co'na' ỹoviro queso'maxare, ca' ra'qaataxane' ỹa'xate' ná'ogue ná'maq iuanchirigui chaqai ỹachaxansac ana la ana nanecse huaalec yijo 'laua.