Popular Bible Verses from Marcos 9

Share

Ca' so Jesús 'naaco': —No'm shichi' vi'relec, qaica ca qaỹaqalanac quecá'maq huelec.

Ca co'na'le, ca só'maq leta'a so ne'nec ỹaualqo': —¡Seuelec; qam yotauañi', qaiyi paguec ỹaatqajam seuelec!

Co'na'le, ca' so Jesús inoxonougui ca 'imec. Ca' saua lapaxaguinatqa ỹoỹooteterec so'maxare, ca inate', 'neraco': —¿Chi'negue ma' qomi' se seshitaq so'daqauec so ne'ec lecmaxaic? Ca so'maxare 'naaco' quesaua'maxare: —Ná'maq 'nejem sojo ne'ec lecmaxaic quiyim qaỹo'daauec, qam ỹouen quiyim ca qom quelec da nqouagaxainaxac chaqai nqopaaqachit.

Na 'ue ỹaatqajam lo'yaxanec. Qam no'm eec na lochiviaxa, ca' ¡tot qaishit quiyim liỹa qaỹouen! Ca 'nejme'o' qamiri ca 'ue quiyim nalequejnaxanaxat, chaqai quiñi 'óna huaqui'chiguit na liỹaripi.

—Cá'maq qom quená'maq huelec aỹim, quiyim icoñiguit ca noctoqui' 'nejem najo, ca' quelola, ca' icoñiguit aỹim. Chaqai cá'maq icoñiguit aỹim, mesqaỹimeta icoñiguit, ma' qai'neeta icoñiguit ñí'maq yila'.

Ma' canchaqaica quiyim 'ue ca ỹaanema qamiri 'eno'm chaqai 'oono'lli' aca 'taxaqui queca huaxaỹaq, quiichigui nqai'en da ỹeenaxat, ma' mashic qamiri ỹalamaxarete', ca ca'maxare ỹaatqajam 'ue ma'le ca nishiue'.

Canchaqaica quiyim chicqochigui quiyim 'ue ca lasauaxaset quenaua collo'olqai' quiyim mashic huerelec aỹim, ca paguec la'maxa quiyim qainaxañigui aca huaaxai, qaicoñireto'ot na lqosot ca qa' lodegaxat nopoxoiqataxanaxat.

Chaqai no'm añi nqochi'i' ñí'maq 'em quiyim 'ue ca rasauaxashichi', ca naqachi'. Ma' paguec la'maxa quiyim qami' qotesaq, qam noxoñira'a ca lo'ueenataxanaxac ñi qota'olec ma' ỹoiquentac ná'ogue najo, mesqai 'nejem quiyim nalo'ojta' naua nqochichi', qam qarenaqairiñigui queca ncopatoqo' na sauaqhuaiquipi