Popular Bible Verses from Mateo 4

Share

Qam so Jesús 'naaco': —Yi 'auaxaic naneretañi na'qaatec 'naacsa': “Mesqaicaata ca pan ỹouen da nachaalataxac ca qom, ma' qai'neeta ỹouen ná'ogue ná'maq la'qaatec ñi qota'olec.”

Co'na'le, ca' so Jesús 'naaco': —Mo'e', oquire'e aỹim, qami' Satanás, ma' naua 'auaxaqa naneresañi na'qaatqa 'neracsa': “Maqachiñi' ñi ra'gaxalachi' qota'a, ca' qaiñiita 'ueenataxañitot.”

Ca' so Jesús 'naaco': —Qai'neeta yi naneretañi na'qaatec 'neetasa': “'Neeto' lotqai 'guiñi' ñi ra'gaxalachi' qota'a.”

Ca co'na' ime, ca so Espíritu Santo ỹauega so Jesús yi 'laua qaica qom, qaiyi qai'guen queso na'ỹaapec. Ca' so'maxare se que'e ỹoviraqterauec saua cuarenta na'xata' chaqai saua cuarenta piri. Ca co'na' ime'ueque sauajo na'xata', ca' nauata'guit so lqopaaxa.

Ca' so Jesús 'naaco' quesaua'maxare: —Naguigue aỹim, ca' ỹim so'uet quiyim qamiri noqoinaxana' ma'le quena qom. Ca chaqa'ma' ỹaxanerec so laleguegue', ca' quetegue so'maxare.

Co'na'le, ca' taañi da la'qaataxanaxac so Jesús, 'naaco' quen: —Netogochiguilo nqai'ñii' naua qavilyii, ma' nepalata da lo'ueenataxanaxac ñi qota'a neeta'gue da piguim quiyim ỹoiquentac ná'ogue najo.