Popular Bible Verses from Mateo 10

Share

¡Ñaqai 'ajñii! Ỹim selate' qamiri, 'nejme' aqamiri aca qagreta, quiichicñigui nqohin na lavinñi ca iseripi toxonaxairipi. Qam na'deenaxanqachiñii, 'ñiitari' ca nanaic, qam sqa vii ca rovirii, 'ñiitari' ca coviguiñic.

Ca cá'maq ỹahotaque nca'laxatec dá'maq chi nachaalataxac, ca na'laxatañi. Qam cá'maq na'laxatañi da nachaalataxac soualec quiyim queeta'pegue' aỹim, ca' chaqaica cá'maq qanca'laxatec ma'le.

Ca se ro'chiỹa cá'maq ishit ỹalauat na noshicmaxa, qam se ishit ỹalauat yi pa'aauo chaalataxac. Ta'ta'a quiyim ro'chiỹa ñi qota'olec ñí'maq ishit ỹalauat na qaroshicmaxa chaqai so qara'al inaxañigui ca norec navicqatqa' na hualoxonyipi.

Chaqai cá'maq queetalec aỹim, no'm se ishit quiyim 'eno'm ileualec aỹim, ca' sqa taiguit quiyim ỹalamaxaret.

Ca ná'ogue ná'maq ra'qaataxanem na qomyipi quiyim queetalec aỹim, ca ỹim qai'neeta sa'xat ma'le quiñi ita'a qota'olec neeta'gue da piguim. Qam cá'maq se ra'qaataxan quena qomyipi quiyim queeta'pegue' aỹim, ca' ỹim qai'neeta se sa'xat ma'le quiñi ita'a qota'olec neeta'gue da piguim.

Machiuec na ralolaxaiquipi, liỹa nca'leuec nqai'ñii ná'maq mashic ileu, imeuec nqai'ñii ná'maq mashic rishiita na loshicmaxa, o'yiỹauec na ne'ec lecmaxaic. Qaca aca laseuete quiyim coñiguit dajo nquesaxanaxa, ca' sqaca laseuete nqai'ñii quiyim 'ueenataxañiỹa.

Ca' se ro'chii qamiri, ma' qamiri paguec aca rashivichii caca 'xoic qo'oole.

'Neeto' 'neetapigui qavillii quiyim ñoda'a ca leuagaxa na qomyipi quena 'laua. Ma' se ñodo ca neuagaxa, ta'ta'a ca neloquiaxac.