Popular Bible Verses from Hebreos 8

Share

Ca' sapalaxat ná'maq se no'uen ỹo'ueetetac na'maxare, chaqai tot so'leentapega ma'le na lasauaxaseteripi.

Cá'maq ña'maqataxac so'uet ma'le quena llaalqaipi so Israel ma' ime'ueque cauajo na'xata', 'neetasa' ma'le 'naac ñi qara'gaxala': Sellaagui ma'le yi la'deenataxanaxac na ỹaqataxaquipi, chaqai serelgoto ma'le añi le'taxanata. Ca ma'le, ca' ỹim qota'olec quena'maxare, chaqai na'maxare, ca ỹalamaxareteripi.

Ma'le, ca' qaica quet cá'maq ỹapaxaguintac ca liỹa, se ỹapaxaguin ca nauegaxaua, chaqai ca lqaỹa, quiyim iuañiua', ỹim ra'gaxalarii. Ma' ná'ogue iuañiua' ma'le, ỹovira'a ná'maq qom qaica ca lemaqachic, chaqai ná'maq paguec qaimaqachin.

Qam ñi qota'a iuana quiyim se ỹa'maxañi da no'ueenataxac na qomyipi, ca' taachigui dá'maq ỹa'xato' co'na' 'ue da 'naac queso qomyipi quenaua naneresañi la'qaatqa: Ñi qara'gaxala' 'naaco' na'le: 'Uo' ma'le ca na'xa'a quiyim sadalaxat da ña'maqataxac quena na'ñi yi Israel chaqai quena na'ñi yi Judá.

Ca dá'maq paguec ỹapacauec nqaishinaq quedá'maq sa'xatqatac, chaqaida dá'maq 'neeta da no'ueenataxac só'maq 'oonoqui' qaretaxaỹaxanqajnec. Nagui so'maxare nqa'xantañi queda loic yi nqa'xanqa' ñi qota'a queda piguim.