Popular Bible Verses from Hebreos 10

Share

Sqai qolaxa'uegue dá'maq lanatec ná'maq se ỹalecapogo quenaua qalapoxoco. Ta'ta'a quiyim ña'ñaxatqata'ta' paguec nagui, ma' mashic sa'deenaq cajo na'xa'a loviraxaqui so qara'gaxala' tot qoỹoxoguit.

Ca' sedaanqaque ca la'maqa' quiyim ñotauanqata'ta', qaiyi ñi'xoresenaqta' chaqai so'ueetaq cá'maq ỹa'maqachiguiñi.

Ca' ña'ñaxatqa'tegue da qanaquitaxac quedá'maq seuaqlec, sqai saxanaxañi, ma' ñi qota'a ipacqajanchigui dá'maq ỹachaxantac ma'le coqomi'.

Qamiri viñitac quiyim 'ue ca la'ñaxac qavillii, qaiyi shichii 'viichii cá'maq ỹahotaque ñi qota'a, chaqai quiyim coñiguit cá'maq ỹachaxantac ñi'maxare.

Ca' vichiguiño' ñoquiigaxau'a quet ñi qota'a, qam ỹaatqajam selloqochigui ca qaneneequesenaxac añi qare'taxanata chaqai ỹaatqajam 'chichiguiñi nqaishinaq ca qarpi'ỹaxac. Ma' ñi'maxare nachinñi nqai'en añi qare'taxanata, qaiyi totqai 'ec ñaqa 'ue ca qarasauaxaset, chaqai mashic nquiỹogoñi na qaroshicmaxa quená'maq no'uen huaxaỹaq.

Ca' vichiguiño' qaica ca ro'chiitaque, ma' chalego lecaic ma'le ca nishiuetenaxaguii.

Ma' no'm chaqai shinaxague qolqatalec dá'maq qarasauaxaset, quiyim ma' ime sa'deenaq dá'maq lliqueta, ca tot ishit quet quiyim 'ue quet ca qoỹaano quiyim qaỹapalaxat ca nasauaxaset. Chaqaidaata quiyim chalego lecaic da qana'xalenataxac ma' qaimit ná'ogue najo, chaqai ca chalego lauaq norec cá'maq ỹavigaxat, quiguiñi nqai'en ma'le ná'maq npa'guenaxauaripi ñi qota'a.