Popular Bible Verses from Génesis 49

Share

Qaica ca ishit rouootaxana'gue da lquesaxanaxa ñi Judá chaqai quiyim na'gaxala' cada lo'qoota'a lashilete, chi ỹovireta'a quiyim novi' cá'maq lalamaxarete lashilete ada'maxare, ca ca'maxare qana'xaỹaxana ma'le quená'ogue na ỹoreta'oguit qomyipi.

Ca' da José 'neetari' ma'le aca qo'paq neeto'ot na lahi ca huaxaỹaq, ỹaatqajam 'xoic ana la chaqai naua lasotee nqai'guerelec na napoxonaxat. Na no'xoshic lo'ollipi noquii'a, ỹahintapeguec na lovic, chaqai se neme se qaỹo'daxat

qam da José ỹaatqajam ra'ñi'teguelo naua lqai'laqate', lo'qoochiguiñi da lo'xoshic; ¡ña'aachic quiñi qota'olec quena Jacob, ma' quesaxanaxaic!, ¡ña'aachic quiñí'maq neloxoỹaq ro'ootaxanteguelec na Israel!, ¡ña'aachic quiñí'maq qota'olec quena qataa'i', ñí'maq rotauañi'sac ma'le; ñi qota'olec qaica ca lqalanec, ñi'maxare no'ueenaxat ma'le ca qayicyaxaqui'! ¡Quecá'maq lqouagaxanaxat chicqo'ot na piguim! ¡Queca lqouagaxanaxat chicqa'ñi ca lauajñi aca huaaxai! ¡Dá'maq nqouagaxa queca nco'oxoc chaqai quiyim qarillipegue aca nate'e!

Qami' Judá, na rqaỹachi'ipi remaqachiñi' ma'le. Na npa'guenaxauachi'ipi coñitot ma'le na lqosot, chaqai nauá'maq chi rqaỹachi' ỹa'dooto qami' ma'le naua le'cootal. ¡Ca' qami' Judá, qami' ỹaalcolec! 'Ñiisari' meca sauaxaic llaalec quena' ỹovita ỹaxanñi quiyim ỹa'queetac aca loxona: nqai'guiñi, ca nqa'paxanñi quena 'laua, 'neetari' meca sauaxaic lodegaxat. ¿Negue' queto' cá'maq ishit quiyim sqai ỹaxanac?

Qami' Rubén, qami' ná'maq qami' ỹi ỹaalec; qami' iquesaxanaxa, qami' 'auaxaic chicqochigui da ñquesaxanqataxac, qami' la'auaxanec da nemaqachic chaqai da na'ñaxac. Qam nagui, ca totqai qami' 'auaxaic, ma' 'ñiisari' ca la'uaxac qaica quepaqchiguit: ma' hualaxaiñirari' ca ỹomala' na' rapa'ira'ñi' aca iloxoỹaxanata Bilha.