Popular Bible Verses from Ezequiel 34

Share

Sedaanaque ma'le aná'maq qagreta na'laañi, ño'deuo aná'maq ỹo'maauec, aná'maq qagaxai sa'ue ca laxa' na lichi, sotauan aná'maq ỹolaaueta, chaqai scochiỹa aná'maq no'ueenta chaqai 'uegaxasaxa. Ca' ỹim ná'maq ỹaatqajam scochiỹa ma'le.

Shintari' cá'maq neloxoỹaq quelola aca leloxoiqateguese quena' neuagaxatetajlec, ca' chaqaida shintari' squelola ana ilo qagreta; yapilaxat quená'maq hueeta'ñi neuagaxatetac queso na'xa'a napalñi sauaxat so nonot quesaxanaxaic.

Ỹim na'gaxala' shinac: Chaqaỹim seloxoỹa'a ma'le ana ilo qagreta.

Chaqaỹim ná'maq seloxoỹa'a ma'le ana ilo qagreta, chaqaỹim ná'maq ñco'mataxanaxanec ma'le. Ỹim na'gaxala', se'taxajñi da ỹa'qaatec.

Qamiri ná'maq ilo qagreta, ná'maq neetalec yi iqui'ỹaxanataxanqa'. Ỹim ná'maq ỹim qota'olec caqamiri. Ỹim na'gaxala', se'taxajñi da ỹa'qaatec. (35.1—36.15 Qaỹa'xat quiyim qaỹa'xalentac yí'maq neetalec yi 'laua Edom.)

Qami' ỹale, taxahi' quiichigui nqai'ñi' da ỹeenaxat quena neloxoỹaripi quena Israel, 'ñiraco' ma'le quena'maxare: 'Neetasa' da la'qaatec ñi qara'gaxala': ¡Chalego le'xoric ná'maq neloxoỹaripi quena Israel chi ncochiiteguelta'! Qam ná'maq cochiỹa quet ná'maq neloxoỹaripi, aná'maq ilo qagreta.