Popular Bible Verses from Ezequiel 18

Share

Ma' ỹim se sa'maxaren quiyim 'ue ca ileu. 'Xañiñi da se no'uen, qaiyi rca'lliiuec. Ỹim na'gaxala', se'taxajñi da ỹa'qaatec. (19.1—30.26 Ñi qara'gaxala' qota'olec ỹadentalec so lalamaxareteripi chaqai qai'neeta ỹadentalec so liỹa qomyipi sqoỹoqaque quiyi Judá.)

Ca' qaicaata cá'maq 'ue ca lasauaxaset, ca' ileu. Ca ñaalec se ishiueten ca lasauaxaset ca leta'a, chaqai ca neta'a se ishiueten ca lasauaxaset ca llaalec. Cá'maq ỹo'uet ca ỹa'maqachiguiñi, ca' icoñiguit cá'maq la'maxa da lo'ueenataxanaxac; chaqai cá'maq hualoxonaq, ca' 'ue ca nouaxanaxaset da leualoxonqaishic.

'Xañiñi ná'ogue ná'maq se no'uen 'viichitac caỹim, ca' dalaxachii da no'ueenataxaguii chaqai da ra'deenataxanaxaguii. Ca ¿chi'negue queta' rillivii, qamiri lalamaxarete' so Israel?

Ỹim se yqo'ta quiyim ileu ca hualoxonaq, ta'ta'a quiyim netogochigui lauel, na'maxateta, qaiyi nca'leuec. Ỹim na'gaxala', se'taxajñi da ỹa'qaatec.

Chaqai ca hualoxonaq, no'm ỹaxanñi dá'maq se no'uen ỹo'ueetetac, ca ipacqajanchiguilo naua'que naua ỹaqataxaco chaqai ỹo'uet cá'maq ỹa'maqachiguiñi, ca' ỹaatqajam lliqueta nca'leuec, ca' se ileu.

ca'maxare ipaquichiguilo nqai'ne' naua ilaataxanaxaco chaqai naua ỹaqataxaco. Cajo ỹale chaqaica cá'maq ỹaatqajam na'maxateta, vichiguiño' nca'leuec ma'le. Ỹim na'gaxala', se'taxajñi da ỹa'qaatec.