Ca' so Mardoqueo ỹeretañi dá'ogue dajo, ca ila' ana lelaata quesá'ogue so judioipi quená'maq neetalgoto naua 'lauari reloqota'alo so Asuero, quenauá'maq sqoỹoqapigui chaqai quenauá'maq qoỹore'talo. Qohinapega quiyim ỹo'uet sojo nemaqachic quena' ỹovire'ogalo saua na'xata' catorce chaqai quince queso shiraigo Adar quena' ỹovirec yi ñaaxa. Ma' sojo na'xa'a viichigui na' so judioipi ỹoỹoote'oga so npa'guenaxauaripi, chaqai ma' sojo shiraigo viichigui so chalego lecaic nachicoxo chaqai so naualaxaquipi queda nqui'ic, ca' ñigui queso judioipi toonaxac chaqai nemaqachic. Ca' quesauajo na'xata', ca' qaỹo'uet ca nqui'ỹaxac chaqai ca toonaxac, chaqai nachijta', chaqai ỹa'ue na lame quena 'xoraiquipi.
