Popular Bible Verses from Deuteronomio 6

Share

Ỹaatqajam rqo'chita ñi qara'gaxala' qota'olec, machiro'ot añi re'taxanata'e', chaqai dá'ogue da nachaalataxaqui' chaqai dá'ogue da rquesaxanaxa'e'.

Chaqai se neme paxaguiñisa'peguelo caua qachaalaxahi'; se coua'ira'ahi 'xachisapeguema quiyim ñiisa'ñi ca ra'aachi', loqo'm quiyim quiisa'gue ca nayic, chaqai quiyim nenañiriñi, chaqai quiyim ne'laxachirishiguim.

Ỹaatqajam lli'chirigui na rqahiqui' ná'ogue ná'maq sa'xatetac nagui caqami'.

Ñaq na'xaỹaxañii, qamiri Israel llaalqaipi: Ñi qara'gaxala' qota'olec coqomi', ñi'maxare qaiñiita qara'gaxala', qaica ca liỹa.

Ỹaatqajam 'xachite' nauajo nelaataxanaxaco, coñichisau'alo naua rqai'laqachichi' chaqai quena ratapi' chi netanec caqami'.

Chaqai 'chirelec qai'neeta caua na'chi'ñi chaqai queca lasom ca qauochi'.

Nqouagaxaiñitacot ñi na'gaxala' qota'olec caqamiri, qaiñiita 'ueenataxañitacot. Ca quiyim ỹovirelec quiyim 'ỹaañiuec ca ra'qaachiguii pacqajñichigui, qam quiichigui nqai'ñii da leenaxat ñi qara'gaxala'.

Ñi ra'gaxalari chaqai qota'olec caqamiri, ñi'maxare inoxonaxatero qamiri ma'le quiyi 'laua ỹachaxantac na'le ỹahotaque ỹaanema saua 'auaxaqa qata'allii Abraham, Isaac chaqai so Jacob. Chalego lecaic chaqai loyac yi na'aateripi quiyijo 'laua, se ro'ueenachiguii qamiri yi'maxare. Na 'imqaipi no'qaachigui quená'maq no'uen nouenec, qam qamiri sqai ỹoxoiỹougui; chaqai ana ni'ỹa mese ri'ỹahi, chaqai na nanaxanqa' 'uva loma' chaqai na olivo loma', qamiri sqai ñiiñi. Qam qamiri 'guii ma'le ana la, chi ỹovireta'a rquemari. Qam ma' ỹovirelec dajo, 'neeto' lotqai couahitaque ñi qara'gaxala', ñí'maq naqata'alo qamiri na'le quiyi Egipto, na' qamiri na'aqa.

Ca' so Moisés 'naaco': —Najo ná'maq nelaataxanaxaquipi chaqai na naqataxaquipi chaqai la'qaatqaipi ñi ra'gaxalari qota'olec ỹamaxalgoto aỹim quiyim sapaxaguineguelo qamiri, qaiyi napaxaguiñiỹa quiyim 'viichii ma' viri quecá'maq 'laua qaỹauaaque ñiỹalec. Qaiyi ro'chiỹa ñi ra'gaxalari qota'olec, ca' pacqajñichiguilo quiyim ñaq rca'lliitauec naua'que naua laqataxaco chaqai naua lelaataxanaxaco selarelgoto qamiri, chaqai naua qachaalaxahi chaqai caua qauari, qaiyi ladoc aca rqauaxaguii.

'Viichi' nauá'maq ỹa'marichiriñi chaqai nauá'maq ỹa'maxarente' ñi qara'gaxala', qaiyi qaica canchaqaica queca qayicyaxaguii, chaqai quiyim ñiỹalec yí'maq no'uen 'laua yí'maq ñi qara'gaxala' ỹachaxantapeguema yaua 'auaxaqa qata'allii

Ma' ñí'maq na'gaxala' qota'olec caqamiri neetauguilo qamiri, ñi'maxare ỹauoteguelo qamiri. Sqoue ro'ỹalo qamiri, ca ỹopoxoỹaxachiguilo qamiri.

'Neeto' quiita'pegue' na nqolac ná'maq nqouagaxaintacot na liỹa qomyipi qauorahi.

'Neeto' 'guiñi'sac ñi qara'gaxala' qota'olec caqamiri, 'nejem dá'maq qohine'tegue na'le hua'ñi yi Masah.