Popular Bible Verses from 2 Reyes 2

Share

Ca co'na' ime paquera'ta, na' ỹovirereta, ca' so Elías 'naaco' queso Eliseo: —Nagui sahotaque 'ñirapiguiỹa' negue' cá'maq vi'saque quiyim so'uet caqami', tomaq saqa' qaỹoỹoote'oga ỹim caqami'. Ca' so Eliseo 'naaco': —Ỹim sahotaque quiyim nañaañirim dá'ogue da rquesaxanaxa'e' quiyim aỹim letaxaỹaxaqui ñi qota'olec.

Ca saua'maxare ñaqai queete', retaqatecta'. Ca' chi re'laqataxanta quiyim qaiuañi'chiguit aso nahoglena ỹaviquetaugui, ca' saua lo'ol shipga' qai'neeta ỹaviquetauguilo, ca iuagaxachiguilo saua ỹale'. Ca' so Elías taashiguim queda piguim, queetougui aso la'taxanaxa.

Ca' so Elías 'naaco': —Ỹaatqajam sqai cocho'qui' da shiilaxañisaque. Qam no'm huañitetegue aỹim ma' qaỹoỹoote'oga aỹim caqami', ca' qoỹaañiraxorom. Qam no'm sqai huañitegue aỹim, ca' se qoỹaañiraxorom.

Ca co'na'le, ca so'maxare ỹouaxanñigui so huaxaỹaq queso nepo'. Ca' netenegue da la'qaatec, 'naaco': —¿Hueeta'gue ca qara'gaxala', cá'maq qota'olec queso Elías? Ca na' chi ỹouaxanñigui so huaxaỹaq queso nepo', ca' shicchigui so huaxaỹaq. Ca' so Eliseo liỹa paca'ta aso lachiugue.

Ca co'na' iuanchigui dajo so Eliseo, ca ỹaualqo', 'naaco': —Qami' ita'a, qami' ita'a. 'Ñiisari' quen ca 'ñaaxaic nalauataxairipi quena llaalqaipi so Israel. Ca co'na' ime dajo, ca' tot iuanegue so Elías. Ca' so Eliseo ỹaatqajam nasectaqta'ahi saua loho queda le'xoric.

Ca co'na'le, ca' so Elías icona so lapo', inanta', ca' ỹouaxanñigui so huaxaỹaq. Ca' so huaxaỹaq shicchigui. Ca saua'maxare paquera'ta aso lachiugue, rashivichigui.

Ca co'na' ỹovita ca laloqo' quiyim ñi qara'gaxala' ỹahotaque i'xategue da piguim so Elías queetougui nqai'en aso la'taxanaxa. Ca' so Elías chaqai so Eliseo que', quere'e yi Gilgal.