Popular Bible Verses from 1 Timoteo 4

Share

Qam na'maxachite', qaiyi qaica ca se icoñiguit qami' ma' ñaqa qami' ne'necoqui'. Ta'ta'a quiyim qami' naloqojnaxanaxat quená'maq mashic icoñiguit da na'qaatec, quedá'maq 'maxaraic retaxaỹaxaqui', chaqai dá'maq no'uen qayiquiaxaqui', chaqai da re'xorenataxanaxa'e', chaqai da no'ueenataxaqui', chaqai da rpi'ỹaxaqui', chaqai 'maxachitetegue da nachaalataxaqui'.

Ma' dá'maq lpa'ataxaric na qaroshicmaxa 'ue da 'negue, qam qailligueme'. Qam no'm ỹaatqajam qoyiquejlec ñi qota'a, ca' ỹaatqajam 'ue da 'negue. Ma' ỹaatqajam chicqaugui da 'aachicyaxac queda qanachaalataxac nagui, chaqai quecá'maq chaalataxac ñaqa naata.

Qam ỹaatqajam richilliralta' qami', ra'i'terelec dá'ogue dá'maq rapaxaguinataxanaxaqui', ỹaatqajam quiiterelec dá'maq sa'xatetac. Ca no'm 'viichi' dajo, ca ỹovireta'a quiyim qanca'laxatec qami' chaqai ná'ogue ná'maq na'xaỹaxantapega qami'.

Qam so Espíritu Santo ỹaatqajam ỹa'xateta'guita naua co'uaataxante' na'xata', ca 'uo' ma'le ca totqai quelec da lpi'ỹaxac, queeta'pegue' na se re'xogui yinaxanaxaiquipi, chaqai na'xaỹaxantapega na napaxaguinataxanaxaquipi chicqo'ot na lelaatqaipi so na'ỹaapec.

Qalaxam se na'xaỹaxañita cá'maq chi na'qaataxanaxac huelecna chaqai na sqaica ca 'negue. Ta'ta'a quiyim raqamqaiterelec quiyim qui'salec ñi qota'a.

Qam quiyim saqa' sovi', ca' qami' quiisalec quiyim taqaiseguelgoto naua la'qaatqa ñi qota'a quenaua lapoxoco, 'ñaxachisac na qarqaỹaripi, chaqai paxaguiñisac.