Ca 'naaco' na'le queso lo'goxonaxat lo'o:
—No'viiquirishiguim na lecachi', ca' ya'yirac, qaiyi mesqaina najo ỹalliripi chi nqouagaxaintacot na nqolac ná'maq yalauat, ca' yiualaxaintac.
Qam so lo'goxonaxat lo'o se na'xaỹaxana, ma' no'chi. Ca co'na'le, ca' so Saúl no'viicshiguim so chi lecat, ca' nqa'paxanlec, ca' chi nalauatalta'. Ca só'maq lo'goxonaxat lo'o co'na' iuana quiyim ileu so Saúl, ca so'maxare qai'neeta nqa'paxanlec so chi lecat, ca' queeta'anta' ileue'.
