Popular Bible Verses from 1 Pedro 3

Share

Ta'ta'a quiyim maqachiñii so Cristo quiyim la'gaxala' añi re'taxanatahi. Chaqai quiyim na'maxachitañi quiyim 'ue ca renachii quecá'maq 'maxaraic llicyaxac dá'maq naquitaxaguii, qam niñiiquishiñita chaqai se napacqajñii. Na'maxachita quiyim qaica canchaqaica huapigui qavillii, qaiyi ná'maq se no'uen ná'maq ỹa'xatetac quiyim mashic coñiguit da na'qaatec queso Cristo, ca nayiloxonlgoto ma'le nauá'maq chi la'qaatqa.

Ma' ñi qara'gaxala' ỹaatqajam cochiỹa ná'maq ỹo'ueetetac ca ỹa'maqachiguiñi, chaqai na'xaỹaxane'ta da nqouagaxainaxac, qam se iuojon ná'maq ỹo'ueetetac na se no'uen.

Chaqai queca no'ueetaxat mesqai quená'maq pa'aatauec. Mesqai maqachaqaic nqai'en da netagaxac, loqo'm quiyim ỹanñi ca 'ueetaxat 'oro, loqo'm paguec loyac nqai'en aca neloxoqui. Ta'ta'a quiyim ỹanñi cá'maq chalego loyac 'ueetaxac quená'maq se re'xogui, viichigui nqai'en añi le'taxanata. Cá'maq no'uen 'ueenataxac 'ue da loyac chaqai da la'maxa, ma' chaqaida dá'maq ỹapacauec nqai'en ñi qota'a.

Ma' naua naneresañi na'qaatqa 'neracsa': Cá'maq nqo'ta da nachaalataxac chaqai quiyim queetauguilo da loyaague' naua na'xata', ca' no'uen quiyim netela'a ñi lo'legaxanaxat, ca' se ỹa'xat ca se no'uen, chaqai sqai nahougui nqai'en ñi lap ca na'maachic. Chaqai noỹootec quená'ogue na se no'uen. Ta'ta'a quiyim ỹo'uet na ỹa'maqachiguiñi, ca' idaanaque ca la'maxa, ca chaqaica queetalec.

Ca' chaqaida 'ñiitari' quiyim ne'xoriñiỹata', chaqai quiñi 'óna nqouaguegue ca liỹa. Chaqai ỹaatqajam qamiri 'xorenataxanaxaiqa quecanchaqaica qom, 'ñiita'gue ca rqaỹahi. Niñiiquishiñitecta', qaica ca napacqajan. Cá'maq se no'uen sqai pilaxachilec ca se no'uen, chaqai no'm qarishiviñii, qam sqai shiuenaxañii. Ta'ta'a quiyim 'ỹaañim ca no'uen ra'qaachiguii ca qom, ma' ñi qota'a roỹaxanalo qamiri quiyim coñiguit ca qouagaxa.

Ca ¿negue' quet cá'maq ishit ỹo'uet ca se ỹa'maxañi caqamiri, no'm 'viichitac ca ỹa'maqachiguiñi?

Chaqai noỹootec quená'ogue na se no'uen. Ta'ta'a quiyim ỹo'uet na ỹa'maqachiguiñi, ca' idaanaque ca la'maxa, ca chaqaica queetalec.

Ma' paguec la'maxa quiyim 'ue ca re'xoriguii, qam quiyim 'viichitac cá'maq ỹa'maqachiguiñi, no'm chaqaida dá'maq ỹahotaque ñi qota'a, qam mesqaida quet quiyim 'viichitaiquet ca se no'uen.