Popular Bible Verses from 1 Reyes 19

Share

Ca na' ỹoxe'uegue so le'loxolaxa na 'laua, ca' 'ue so norec, qam ñi qara'gaxala' sqai hueetaugui so norec. Qam na' ime'uegue so norec, ca' qara'xaỹaque so nelamaxa ỹolaauetam chaqai nesatete'uegue.

Ime, ca' eec queetalec yi 'laua qaica qom. Ca queeto' 'óna na'xa'a, vire'to' na' nqa'xanñi ne'tot aca qo'paqo'lli'. Ca chalego' da lishoxo quiyim ileu. Ca 'naaco': —¡Liyi dajo, qami' ỹa'gaxala'! ¡Lqodoc nqai'ñi' ana ỹaqauaxaqui, ma' sqai paguec ỹim 'maxaraic quesaua ita'al!

Ca' ñi qara'gaxala' 'naaco' queso'maxare: —Nenoxoñirec, ca nachaachiriñi, ca seloxoiqa'ajta' canajo qa'. Ca co'na'le, ca' ñi qara'gaxala' quelec yi'maxare, ca 'uo' so nonot lodegaxat ỹaatqajam quesaxan, ca nconaxaterec naua lahil aso qa' ladocai chaqai ná'maq qa' ropoqogui nqai'en, qam ñi qara'gaxala' sqai hueetagui so nonot. Ca co'na' ime'uegue so nonot, ca lotqai i'loxol na 'laua, qam ñi qara'gaxala' sqai hueetaugui so le'loxolaxa na 'laua.

Ca' so Elías co'na' 'xaỹaque so'maxare, ca' ỹapogui na lashic queso lapo'. Ca' nenoxonec, ca' hueete'e na lahi ñi ñigo queso lauac. Co'na'le, ca 'xaỹaque so nivillaxac 'naaco' queso'maxare: —Elías, ¿negue' cá'maq 'ñi'sa'pegue quenajo?

Ca co'na' ỹovita, ca taho'gue so lauac, ca hueetaho'gue 'óna pe. Qam ñi qara'gaxala' ỹovira'a so'maxare, ca 'naaco': —Elías, ¿negue' cá'maq 'ñi'sa'pegue quenajo?

Ca' so Elías ne'laxashiguim, ca' que'e chaqai ne'et. Ca' sojo loq ỹa'ue da lquesaxanaxa quiyim liỹa eec cuarenta na'xata' chaqai cuarenta piri, chi ỹovireta'a da Horeb dá'maq qota'olec nquemaralec qa' ladocai.

Ca co'na' ime, ca' nenanñi hue'tot aso qo'paq. Ca' chaqai laqachiguiño', qam 'uo' so novi' piguim le'ec, ca' ỹa'deuo na lahi, ca 'naaco' queso'maxare: —Ne'laxachirishiguim, qui'i'.

Qam so nelaatec piguim le'ec lotqai novita, ipootau'a, ca 'naaco' queso'maxare: —Ne'laxachirishiguim, liỹa qui'i'. 'Anta, paguec leseguegue da 'ira'gue.

Ca so'maxare 'naaco': —Ỹaatqajam paguec da ỹauochaxa caqami', qami' ỹa'gaxala', qami' qota'olec qaica qalañirac, ma' na llaalqaipi so Israel totqai quelec da na'maqataxaqui', chaqai nopoxoỹaxajñi ana ncopatoxonaxalate quiyim qanqouagaxainot qami', chaqai qaỹahote'e na lecat quiyim qanalauajñi na retaxaỹaxaqui'i'ipi. Ca mashic qaỹimetam yo'ueenañi, qam nagui qaimitetaque aỹim qaỹahotaque qayalauat.

Ca' so Elías quenoxontaco', ca iuane'to' quiyi na'xanqa' aso naqaulata ratooxoi chaqai aso 'taxaqui no'qaachigui queso huaxaỹaq. Co'na'le, ca' ne'laxashiguim, ca' que'e chaqai ne'et queso huaxaỹaq. Ca co'na' ỹa'at, ca lotqai liỹa nenanñi, laq.

Ca' aso Jezabel ỹa'uo' so lelaatec quiyim 'naapega so Elías: —¡No'm qami' Elías, qam ỹim, ỹim Jezabel! Ca' na qarashiilqaipi nqolaquipi ỹa'ue ca ñouaxanaxaset lodegaxat, no'm nete'e ma' 'nejem nagui sqai shi'ntegue qami' dá'maq 'ñitetegue so lauachi' netaxaỹaxaquiripi.

Ca' ỹim ño'ueenaxatañi ma'le quiyi Israel ca siete mil qomyipi se ỹa'dooto naua le'cootal ñi Baal chaqai se nqo'goq.

Ca' so Elías eec, ca iuanejlco' so Eliseo rasaugaxantac, ỹa'queetalec so veinticuatro ñii'lolaipi, ca' chaqaiso so'maxare ỹashaxantac sauá'maq co'uaataxante'. Ca' so Elías ỹalamaxateta'a so Eliseo, ca' ipeguenlec so lapo'.

Ca' so Eliseo queho, ca' icona'alo saua dos ñii'lola, ca ỹalauate'. Ca só'maq qo'paq neetaguilo quena' qaro'ueenataxañiguilo ỹouaxañigui, ca' ỹouen quiyim co'i so la'at. Ca' qui'ỹaxan so qomyipi. Ca na' ime, ca' so'maxare co'uajlec so Elías, ca ro'ueenataxanot. (20.1-43 Yi Siria queu'a yi Samaria yí'maq na'ñi so nashi queda rapiguim, qam so Acab nashi quiyi Israel loxonec so Sirioipi. So netaxaỹaxaqui ỹa'xat quiyim so Acab ileu ma'le sauaxat quiyim nca'laxatetauec so npa'guenaxaua Ben-adad.)

Ca' so Eliseo chaqa'ma' ỹaxanec so ñii'lolaipi, ca' ne'guenta, co'uaategue so Elías. Ca co'na' ỹovi', ca 'naaco': —Qouaquiric, ñaqai cocho'qui' ñqo'goxe' yaua ita'al, ca spoyiguine'. Ca ma' ime, ca' shiguegue qami'. Ca' so Elías 'naaco': —Ajá'a, mo'e', qui'. Qam ma'le, ca' cocho'qui' ñaqai o'lliinchira'a dá'maq shi'ntegue caqami'.