Popular Bible Verses from Levítico 19

Share

Aman runamasiykitaqa vengakunkichu. Nitaqmi cheqnikunkipashchu. Aswanqa qan kikiykita hinan runamasiykitaqa munakunki. Noqaqa Señor Diosniykichismi kani.

Aman cuerpoykichispiqa ima k'iritapas ruwakunkichishchu pipas wañusqanraykuqa. Nitaqmi cuerpoykichispiqa ni ima *tatuaje señalkunatapas ruwachikunkichishchu. Noqaqa Señor Diosniykichismi kani.

—Israelpa miraynin runakunata llapallanta khaynata nimuy: Noqa Señor Diosniykichisqa ch'uyan kani. Saynallataqyá qankunapas ch'uya kaychis.

Aman wawqeykitaqa sonqoyki ukhupiqa cheqnikunkichu. Aswanyá runamasiykita q'aqchana kaqtinqa sumaqllata q'aqchay, saynapi huchallikusqanmanta ama culpayoq kanaykipaq.

Aman pongokunamanqa wañusqakunapa almanta waqyachinaykichispaqqa rinkichishchu nitaq suerte qawaqkunamanpas, saynapi chaykunawan qankuna ama qenllichakunaykichispaq. Noqaqa Señor Diosniykichismi kani.

Aman llaqtayki ukhupiqa runamasiykikunamanta cuentota rimaspaqa purinkichu. Aman runamasiykita wañuchinankupaqqa contranpiqa rimankichu. Noqaqa Señor Diosniykichismi kani.