Popular Bible Verses from Éxodo 9

Share

Ichaqa noqaqa vidayoqtaraqmi dejaykuyki, atiyniyta qanman rikuchinaypaq, saynapi enteron pachantinpi reqsisqa kanaypaq.

Señor Diosmi Moisesta khaynata niran: —*Rey Faraonpa kasqanman riy. Hinaspa nimuy: “Hebreo rimayniyoq runakunapa yupaychasqan Señor Diosmi khaynata nin: ‘Llaqtayta dejay, ch'inñeq lugarman rispanku, noqata yupaychamuwanankupaq.

Sichus kunan rato tukuy atiyniywan qanta hinallataq Egipto nacionniyoq runakunatapas castigaykichisman chayqa, ñachá kay allpa pachamantaqa chinkapuwaqchishña.

noqan ancha mancharikuypaq onqoyta mandamusaq. Chay onqoymi wañuchinqa campopi animalniykikunata, caballoykikunata, asnoykikunata, camelloykikunata, wakaykikunata hinallataq ovejaykikunatapas. Ichaqa noqa Señor Diosmi, Israelpa miraynin runakunapa animalninkunataqa Egipto nacionniyoq runakunapa animalninkumanta t'aqasaq, saynapi Israelpa miraynin runakunapa animalninku ama wañunanpaq’ ”, nispa.

Chaymi noqaqa paqarin p'unchaw, kay horas hinata, hatunkaray chikchikunata nishuta chikchichimusaq. Sayna clase chikchiqa manan ni hayk'aqpas karanchu, kay Egipto nación kasqanmantapacha. Saynaqa kunanyá runakunata kamachiy, campopi kaq animalkunata hinallataq campopi tukuy kaqkunatapas wasi ukhuman apayunankupaq, saynallataq runakunapas wasinkuman haykunankupaq. Sichus mana saynatachu ruwanqaku chayqa, campopi kaq runakunataqa hinallataq animalkunatapas chay chikchiqa wañuchinqan’ ”, nispa.

Chay ushpaqa enteron Egipto nacionpin ñut'u allpaman tukunqa. Hinaspan runakunapi hinallataq animalkunapipas ch'upu onqoy rikhurinqa, nispa. Hinaqtinmi Moisesqa wawqen Aaronpiwan hornomanta ushpata orqospanku, rey Faraonpa kasqanman riranku. Hinaspan Moisesqa rey Faraonpa ñawpaqninpi chay ushpata altoman wikaparan. Hinaqtinmi ch'upu onqoyqa runakunapi hinallataq animalkunapipas rikhuriran.