Popular Bible Verses from Rev 13

Share

La, bizin ena lasazes pou konpran nimero bebet-la, parski sif-la koresponn avek nom enn zom. Sis san swasann-sis.

Tou bann abitan later pou ador li, bann abitan ki zot nom pa finn inskrir depi avan kreasion lemond dan liv lavi ki pou Agno ki finn sakrifie.

Li ti obliz tou dimounn, ki li tipti ou gran, ris ou pov, lib ou esklav, pou resevwar enn mark, swa lor zot lame drwat swa lor zot fron. E personn pa ti kapav aste ou vande si li pa ti ena sa mark-la, nom bebet-la ou nimero so nom.

Si kikenn finn fer pou vinn prizonie, li pou al dan prizon; si kikenn finn fer pou mor avek lepe, li pou mor avek lepe. Ala enn lapel pou landirans ek lafwa pou lepep Bondie.

Lerla mo trouv enn bebet sorti dan lamer, li ena dis korn ek set latet; lor sak korn ti ena enn kouronn e lor bann latet-la ena enn bann nom ki insilte Bondie.

Li ti osi ena drwa fer lager ar lepep Bondie e gagn laviktwar lor zot. Li ti osi ena lotorite lor tou tribi, pep, langaz ek nasion.

Li ti sedwir bann abitan later par pouvwar ki ti finn donn li pou fer mirak devan lot bebet-la. Li ti dimann bann abitan fer enn zimaz sa bebet ki ti finn blese ar lepe la, e ki ti ankor pe viv. Li ti gagn drwa pou anim zimaz bebet-la ziska fer li koze e fer li kapav touy tou bann ki pa ti ador li.

Bebet-la ti resanble enn leopar, so lapat kouma lapat lours, e so lagel kouma lagel lion. Dragon ti donn li so pwisans ek so tronn avek enn gran lotorite.

Bebet-la ti gagn lotorizasion servi labous ki pronons bann blasfem ek parol arogan. Li ti finn gagn pouvwar pou azir pandan karann-de mwa.

Enn so latet ti paret ena enn blesir mortel, me so ple ti geri. Later antie ti emerveye e ti swiv bebet-la.

Apre sa, mo trouv enn lot bebet ki sorti dan later; li ti ena de korn parey kouma enn agno e li ti koz parey kouma enn dragon. Li ti exers tou pouvwar sa premie bebet-la dan so prezans. Li ti fors later ek tou so bann abitan ador sa premie bebet ki so blesir ti finn geri la.