Popular Bible Verses from Proverb 2

Share

Parski LESEGNER, limem lasours lasazes, so parol donn konesans ek disernman.

Mo zanfan, pran kont mo parol; gard mo bann instriksion kouma enn trezor. Ouver to zorey ekout lasazes, e grav so mesaz dan to leker. Wi, kontign sipliye pou to gagn disernman, pa aret insiste pou to gagn konpreansion. Mo zanfan, rod lasazes kouma larzan, resers li kouma enn trezor. Lerla, to pou konn respekte LESEGNER e vremem, to ava konn Bondie.

Li enn gran proteksion pou dimounn drwat; li enn boukliye pou dimounn onet. Li vey sime bann ki fer lazistis, li protez larout so bann fidel.

Zis bann dimounn drwat ki pou viv dan nou pei; zis bann dimounn ki lame prop, ki pou res isi. Bann malfeter pou bizin lev pake ale; Bann tret pou gagn derasine.

Pa les twa rant dan siro bann fam ki pena moral, bann fam move lavi ar zot bann parol dou. Zot abandonn zot mari marye, e zot pa respekte serman sakre zot maryaz.