Popular Bible Verses from Irm 8

Share

Nikiyiolo aajo ore te pooki toki neasisho Enkai too mbaa supati te lelo oonyor ninye, te lelo oo ipotoki te risioroto e yieuna enye.

Amu aitisipa nanu nchere mme keeya, neme enkishui, neme ilmalaika, neme engolon e naimin, ne ntokitin naatii, ne ntokitin naapuonu neme nkitoriat neme enguton, neme ae toki to seuseu pooki, naidim atirishie iyiook enyorrata e Nkai natii Kristo Yesu Olaitoriani lang. Neme kulie kiyang'eta o loing'ang'e, aashu naatii olodo le nkop, neme hoo ae toki natii enkop o loing'ang'e pooki naidim atirishie iyiook enyorrata e Nkai natii Kristo Yesu Olaitoriani lang.

Neijia eiko Enkiyang'et pee elotu aretu iyiook te nchalan ang; amu aimikiyiolo iyiook aajo ainyoo kiomonu nimikiyiolo enikijo ti nikiomonu, kake Enkiyang'et makewan naomonoki iyiook te mion nagut nemeinosunoyu.

Kaa naa kijo te na? Amaa te netii Enkai enkalo ang, kalo oidim atigilunore iyiook?

Metii naa taata enkiguana te lelo ootii atua Kristo Yesu.

Ore paa osesen oitore mbaa o ltau neaku ina keeya, ore paa Enkiyang'et naitore oltau neaku ina enkishui o eseriani.

A'a, ore te kuna pooki kisulie kimirisho aaisulie te nkaraki ilo otonyorra iyiook.

Ayiolo nanu ajo ore nkisilisilot ena kata meitorisiokini ina kitoo nayookini aaboloki yiook.

Ainyoo naidim atirishie iyook enyorrata e Kristo? Keidim ingolikinot, anaa emion, anaa enkisilisiloto? Anaa olameyu, anaa enikipuo mikinchopo, anaa batisho, anaa enkeeya o anaa olalem?

Ore ilo laa ninye ojur iltauja neyiolo ninye enajo Enkiyang'et, amu Enkai nayieu neaku enkiyang'et nanyikaki ninye too mbaa oo ltung'ana lenyena.

Amu ore lelo pooki laa Enkiyang'et e Nkai narikito, ninche nkera e Nkai.

Amu ore lelo oopuo erubare osesen naa mbaa o sesen naaitore ltauja lenye, kake ore lelo oopuo erubare Enkiyang'et naa mbaa e Nkiyang'et naaitore ltauja lenye.

Eitu eibooyo ninye ilo Inoti lenye kake eishorua ninye te nkaraki iyiook pooki. Amaa etaasa ina, ainyoo ae naitoki amitiki ninye, eisho iyiook pooki toki pesho?

Enkiyang'et kewan naishakenu te nebo enkiyang'et ang nchere kira nkera e Nkai, naa ti nikira nkera, nikira ilajung'ok, kira lajung'ok le Nkai te nebo Kristo, te naa keisilisili iyiook te nebo ninye pee eyookini sii aaisho iyiook enkitoo te nebo ninye.

Amu ore oltau oitore osesen naa olmang'atinta te Nkai; amu meishoru meitoria nkitanapat e Nkai; nemeidim

Keanyita seseni pooki toki naitayioki, te yieunoto kitok, metaboluni nkera e Nkai.

Amu kiyiolo aajo ore o tena kata, eigorito te mion seuseu pooki naitayioki losilisili le mion o metabaiki ena olong.