Popular Bible Verses from Mik 4

Share

Amu epuoito iltung'ana pooki, oltung'ani ake te nkarna e Nkai enye. Kake eikipuo iyiook te nkarna o Laitoriani Enkai ang ntarasi o ntarasi.

Naa kepuonu iloshon kumok nejo: “Wootu mailepa aapuo oldoinyo lo Laitoriani, maape enkaji e Nkai e Yakobo; pee etum ninye aiteng'ena iyiook nkoitoi enyena, nikipuo iyiook too rrekiei lenyena.” Amu Sion epukunye enkitanapata, neing'uaa ororei lo Laitoriani Yerusalem.

Ore too nkolong'i e siadi, ore ilo doinyo le nkaji o Laitoriani neitasheyieki anaa oldoinyo ooado aisul neilepieki aaitulusoo too ldoinyo nepuo iltung'ana kumok ine.

Keiguanare ninye iloreren kumok nedung'oki enkiguana iloshon oogol oo lakua; neidong ninche ilalema lenye aaitaa ntokitin naaturishoreki neitaa iremeta enye ntokitin naasilieki enkurma; nemeitoki olosho adumaki olosho olalem, nemeigil aekata aaitamok ate olarrabal.