Popular Bible Verses from ROMA 14

Share

Asma waawuti'iimár Mungú a /ayma nee wahaangooká, ala a gan'amu nee wayda nee qwala/, kudá' Qeeruú hhoohhoó' oo Mungú ni huwi. Asma heedaádá' Kristo gu sagadiyuús ar loohír adoorí, inós Mungú gu qwal/atimis, nee slám inós ku xirfayees nee muu.

Asma atén bar hootaán, an hootaán as Aako, nee bar qatlaán, an qatlaán as Aako. Gawaá adoorihe atén bar hootaán laqaá bara qatlaán, atén a múk Aako.

Ala bar adoosíng, gár atén tiwa hariím tidá' wayduú huwaahuuw tla/angwrene an tleehhaán, nee tidá' haratlintaaór umuúqo heewo ga kwa/amis.

Gawaá adoorihe atén kilootén mitiwa sakwasleemuutaán. Ala masók sakwasleemarhúng a adoorí, hee hhiyaawós munguwa dukuutsmoó i qaás, laqaá munguwa baraá tlakweemií daáhh.

Asma Gooi i kat, «Aako i kaahi. Adoodá' aníng nir slaaf, umuúqo heewo i geeraaeé' tumbarara'aat, nee umuúqo tsifraango Mungú guri xirfayees.» Gawaá adoorihe umuúqo heewo baraá tla/angwrene kángw slafiingós gu dír geeraá Mungú i alki/iit.

Heedaádá' haratlintaao niiná alee/iisaak, ala mu sakwasleemuutara' as xu'utirós tidá' i kon.

Kuúng a adór heemá tawa sagadiyusmoó heé hatlá' sakwasleemut? Asma sagadiyusmoodá' bira huú', laqaá bira huuiiká, kaangwí a daanduú sagadiyusmoodá' nee daqaarmoowós. Ala sagadiyusmoodá' i sihhiit, asma Aako aleesleemu gu kón oo sagadiyusmoodá' nguwa sihhtisi.