Popular Bible Verses from رُواْمَاوَا 11

Share

غَمَا شِينٜىٰ يَحَلِثِّ دُكَنْ أَبُبُوَ، كُمَ أَبُبُوَنَّنْ دُكَ سُنَ كَسَنْثٜىٰوَ تَوُرِنْسَ نٜىٰ كُمَ دُواْمِنْسَ؞ بَرِ طَوْكَكَ تَتَبَّتَا غَ اللَّهْ حَرْ أَبَدَا!‏ أَمِينْ؞

إِنَا مِصَالِنْ ظُرْڢِنْ يَوَنْ حِكِمَرْ اللَّهْ!‏ ظُرْڢِنْ سَنِنْسَ كُمَ مَرَرْ إِيَاكَ نٜىٰ!‏ حُكُنْثٜىٰ حُكُنْثٜىٰنْسَ سُنْڢِے غَبَنْ بِنْثِكٜىٰ، هَنْيُواْيِنْ أَلْعَمُرَنْسَ سُنْ وُثٜىٰ غَبَنْ غَانٜىٰوَ!‏

‏«‏وَيَتَٻَ سَنِنْ ذُوثِيَارْ عُبَنْ‌غِجِ؟ وَيَتَٻَ ذَمَ أَبُواْكِنْ شَوَرَرْسَ؟»‏

حَكَ وَنَّنْ يَكَسَنْثٜىٰ عَيَنْظُ مَا؞ أَݣَويْ ضَغُواْوَرْ مُتَنٜىٰ وَطَنْدَ اللَّهْ يَذَاٻَا بِسَغَ أَلْحٜىٰرِنْسَ؞ ذَاٻٜىٰنَّنْ دَ اللَّهْ يَيِ كُوَ يَدُواْغَرَ غَ أَلْحٜىٰرِنْسَنٜىٰ، بَا غَ أَيُّكَنْ دَ مُتَنٜىٰنْ سُكَيِبَ؞ غَمَا إِنْ بَهَكَبَ، أَلْحٜىٰرِ بَيْ ذَمَ أَلْحٜىٰرِ نَغَسْكٜىٰبَ؞

تُواْ، أَنْسَسَّرٜىٰ وَطَنْسُ رَسَّنْ إِتَاثٜىٰنْ ظَيْتُنْ إِرِنْ وَنْدَ عَكَ نُواْمٜىٰ، سَيْ عَكَ طَوْكِ وَنِ رٜىٰشٜىٰنْ إِتَاثٜىٰنْ ظَيْتُنْ إِرِنْ نَدَاجِ، عَكَ كُمَيِ مُسُ عَوْرٜىٰ؞ كُو وَطَنْدَ بَا يَهُودَاوَا بَ كُوَ، كَمَرْ رٜىٰشٜىٰنْ إِتَاثٜىٰنْ ظَيْتُنْ نَدَاجِ كُكٜىٰ، كُونٜىٰ عَكَ حَطَكُ دَ تُوشٜىٰنَّنْ، وَتُواْ يَهُودَاوَا، وَطَنْدَ دَغَ غَرٜىٰسُنٜىٰ كُكٜىٰ سَامُنْ أَلْبَرْكُنْ اللَّهْ؞ سَبُواْدَ حَكَ كَدَ كُيِ تَاڧَمَ عَكَنْ ثٜىٰوَ كُنْڢِے وَطَنْثَنْ رَسَّنْ دَ عَكَ سَسَّارٜىٰ؞ عِدَنْ كُوَ كُنَ تَاڧَمَ، سَيْ كُتُنَ ثٜىٰوَ بَا تُوشٜىٰنْ نٜىٰ يَكٜىٰ دُواْغَضَ أَغَرٜىٰكُبَ، سَيْدَيْ كُونٜىٰ كُكٜىٰ دُواْغَضَ غَ تُوشٜىٰنْ؞