Popular Bible Verses from 1 سَرَاكُنَ 18

Share

يَا يَهْوٜىٰهْ، بَرِ كَأَمْسَ مِنِ؞ كَأَمْسَ مِنِ دُوانْ مُتَنٜىٰنَّنْ سُسَنِ ثٜىٰوَ يَا يَهْوٜىٰهْ، كَيْنٜىٰ اللَّهْ؞ بَرِ كَكُمَ جُويُواْ دَ ذُوثِيَارْسُ ذُوَا غَرٜىٰكَ؞»‏

دَ لُواْكَثِنْ يِنْ هَدَايَ تَيَمَّ يَيِ، سَيْ أَنَّبِے إِلْيَاسُ يَمَڟُواْ كُسَ يَثٜىٰ ‏«‏يَا يَهْوٜىٰهْ اللَّهْ نَ إِبْرَٰهِيمْ دَ نَ إِسْحَٰڧَ دَ نَ يَعْڧُوبَ، كَسَا أَ سَنِ يَوْ ثٜىٰوَ كَيْنٜىٰ اللَّهْ نَ إِسْرَٰٓءِيلَ، نِنٜىٰ كُمَ بَاوَنْكَ، نَاكُوَيِ وَنَّنْ دُكَ بِسَغَ مَغَنَرْكَ نٜىٰ؞

سَيْ إِلْيَاسُ يَمَڟُواْ كُسَدَ دُكَنْ مُتَنٜىٰنْ يَثٜىٰمُسُ ‏«‏دُوانْمٜىٰ كُكٜىٰ رَبَ حَنْكَلِنْكُ بِيُ؟ عِدَنْ يَهْوٜىٰهْ شِينٜىٰ اللَّهْ، كُبِے شِ؞ عَمَّا عِدَنْ بَعَلْ شِينٜىٰ اللَّهْ، سَيْ كُبِے شِ؞ عَمَّا مُتَنٜىٰنْ بَسُ ثٜىٰ مَسَ كُواْمٜىٰبَ؞»‏

سَيْ وُتَرْ يَهْوٜىٰهْ تَسَوْكُواْ، تَثِنْيٜىٰ هَدَايَ تَڧُواْنَاوَرْ دَ إِتَاثٜىٰنْ دَ دُووَڟُنْ دَ ڧُورَرْ ڧَسَرْ ڧُرْمُسْ، تَكُمَ لَشٜىٰ ضُوً دَيَكٜىٰ أَطَنْ لَمْبَتُنْ؞

سَعَدَّ مُتَنٜىٰ سُكَ غَنِ، سَيْ سُكَ رُسُنَ حَرْ ڧَسَا سُكَتَادَ مُرْيُواْيِ سُنَ ثٜىٰوَ ‏«‏لَلَّيْ يَهْوٜىٰهْ شِينٜىٰ اللَّهْ، يَهْوٜىٰهْ شِينٜىٰ اللَّهْ!‏»‏

أَ سَوْ نَبَݣَويْ طِنْ، سَيْ مَيْيِ وَ إِلْيَاسُ حِدِمَ يَثٜىٰ ‏«‏نَاغَ طَنْ غِرْغِجٜىٰ ڧَرَمِ كَمَرْ تَڢِنْ حَنُّنْ مُتُمْ يَنَ تَاسُواْوَ سَمَ دَغَ تٜىٰكُ؞»‏ إِلْيَاسُ يَثٜىٰ وَمَيْ حِدِمَرْسَ ‏«‏تَڢِے وُرِنْ أَهَبْ، كَڢَطَا مَسَ يَهَوْ كٜىٰكٜىٰنْ دُواْكِنْسَ يَكُواْمَ غِدَا كَاڢِنْ ضُوً سَمَ يَهَنَشِ؞»‏

سَيْ حَنُّنْ يَهْوٜىٰهْ يَبَا إِلْيَاسُ وَنِ سَابُوانْ ڧَرْڢِے؞ سَعَنً إِلْيَاسُ يَكَامَ رِغَرْسَ يَطَوْرَا، يَيِ غُدُ حَرْ يَرِغَا أَهَبْ ذُوَا يٜىٰظِرٜىٰيٜىٰلْ؞

سَعَنً إِلْيَاسُ يَثٜىٰ وَ أَهَبْ ‏«‏كَهَوْرَ غِدَا كَثِ كَشَا، غَمَا إِنَ جِنْ مُواْڟِنْ ضُوً سَمَ مَيْ يَوَ؞»‏

يَثٜىٰ وَمَيْيِ مَسَ حِدِمَ ‏«‏كَهَوْرَ كَدُوبَ تَوُرِنْ تٜىٰكُ؞»‏ سَيْ يَهَوْرَ يَدُوبَ، يَكُواْمَ يَثٜىٰ ‏«‏بَنْ‌غَا كُواْمٜىٰبَ؞»‏ سَوْ بَݣَويْ إِلْيَاسُ يَنَاثٜىٰ مَسَ يَجٜىٰ يَدُوبَ؞

سَعَنً إِلْيَاسُ يَثٜىٰ وَدُكَنْ مُتَنٜىٰنْ ‏«‏كُذُواْ كُسَدَنِے؞»‏ سُكَ مَڟُواْ كُسَدَشِ؞ دَ ڢَرْكُواْ يَشِرْيَ بَغَدٜىٰنْ يَهْوٜىٰهْ وَنْدَ عَكَ رُشٜىٰ؞

ذَاكُ كِرَا غَ سُونَنْ اللَّهْ‌نْكُ، نِمَا ذَنْكِرَا غَ سُونَنْ يَهْوٜىٰهْ؞ اللَّهْ وَنْدَ يَأَمْسَ تَوُرِنْ عَيْكُواْ دَ وُتَا، لَلَّيْ شِينٜىٰ اللَّهْ؞»‏ دُكَنْ مُتَنٜىٰنْ سُكَ أَمْسَ سُكَثٜىٰ ‏«‏عِ، مَغَنَرْ تَيِݣَوْ؞»‏

يَݣُوسُواْ دُوَڟُو غُواْمَشَا بِيُ، بِسَغَ يَوَنْ ذُرِيَرْ یَیَنْ يَعْڧُوبَ، شِے وَنْدَ يَهْوٜىٰهْ يَيِ مَسَ مَغَنَ ثٜىٰوَ ذَاعَ كِرَشِ دَ سُونَ إِسْرَٰٓءِيلَ؞

دَ ڟَكَرْ رَانَ تَيِ، سَيْ إِلْيَاسُ يَيِمُسُ غُواْرِ يَثٜىٰ ‏«‏كُيِ كِرَا دَ بَبَّرْ مُرْيَ، أَيْ، شِے اللَّهْ نٜىٰ!‏ وَتَڧِيلَ يَنَ تُنَانِ، كُواْ كُوَ يَڢِتَ يَٰوُاْ نٜىٰ، كُواْ كُوَ يَيِ تَڢِيَ؞ وَتَڧِيلَ كُمَ يَنَ بَرْثِ نٜىٰ، سَيْ عَتَاشٜىٰشِ؞»‏

دَ دُووَڟُنَّنْ يَغِنَ بَغَدٜىٰنْ هَدَايَ ثِكِنْ سُونَنْ يَهْوٜىٰهْ؞ يَكُمَ حَڧَ طَنْ لَمْبَتُ مَيْ رِڧٜىٰ ضُوَ كَمَرْ لِتَ غُواْمَشَا حُطُ كٜىٰوَيٜىٰ دَ بَغَدٜىٰنْ؞