Popular Bible Verses from Mose IV 14

Share

Migadze aglã ɖe Aƒetɔ ŋu o, eye migavɔ̃ ame siwo le afi ma la o. Míele wo dzi ɖu ge bɔbɔe. Aƒetɔ le mía dzi, eye wòɖu mawu siwo kpɔa wo ta la dzi xoxo, eya ta migavɔ̃ o.”

‘Nye Aƒetɔ, nyemedoa dziku kabakaba o, eye nye lɔlɔ̃ metrɔna gbeɖe o. Metsɔa ame ƒe vodada kple dzidada kena, evɔ la nyemegbea tohehe na ame o, elabe ne tɔ́wo wɔ nuvɔ̃ la, mehea to na wo viwo tso dzidzime etɔ̃lia dzi va se ɖe enelia dzi.’

Ne míaƒe nu dze Aƒetɔ ŋu ko la, akplɔ mí ayi afi mae, eye wòatsɔ anyigba si dzi notsi kple anyitsi bɔ ɖo na mí.

Ke nye dɔla Kaleb ya ƒe nɔnɔme to vovo, eye wòdze yonyeme blibo eya ta makplɔ eya ayi anyigba si dzi wòde ɖatsa ŋku hegbɔ la dzi, eye wòazu eƒe dzidzimeviwo tɔ.

Azɔ gblɔ na wo be, ‘Nye Aƒetɔ meta ɖokuinye be zi ale si mele agbe la, mawɔ nu si miegblɔ mese la na mi.

Aƒetɔ gblɔ na Mose be: “Ɣe ka ɣi gɔ̃ dukɔ sia ado vlom ase ɖo? Ɣe ka ɣi woagbe dzinye xɔxɔ ase ɖo? Evɔ wònye mewɔ dzesi geɖewo le wo dome wokpɔ hafi?

Israelviwo katã lĩ liʋiliʋĩ le Mose kple Aron ŋu be: “Oo, ɖe míeku ɖe Egipte-nyigba dzi boŋ alo ɖe gbedadaƒo afii la, ne enyo na mí wu!

Ke Yosua, Nun vi kple Kaleb, Yefune vi, ame siwo hã nɔ ŋkutsalaawo dome la dze woƒe awuwo, eye wogblɔ na ha blibo la be: “Anyigba si dzi míede ɖatsa ŋku la nyo ŋutɔŋutɔ.

Gake le nyateƒe me, zi ale si mele agbe, eye nye ŋutikɔkɔe ayɔ xexeme bliboa la, ŋutsu siawo dometɔ aɖeke made anyigba la dzi o. Wokpɔ nye ŋutikɔkɔe kple dzesi siwo mewɔ le Egipte kple gbedadaƒoa, gake wotem kpɔ zi nane, eye wogbe toɖoɖom. Womade anyigba si ŋu meka atam le be mana wo tɔ́wo la dzi gbeɖe o. Wo dome ame siwo katã do vlom la made o.