Popular Bible Verses from Yosua 1

Share

Menye nyee gblɔe na wò oa? Mebe sẽ ŋu, wɔ kalẽ, mègavɔ̃ o, eye dzi hã megaɖe le ƒowò o, elabe afi sia afi si nàyi la, nye Aƒetɔ, wò Mawu la, meli kpli wò.”

Na segbalẽ sia me nyawo nanɔ nuwò le afi sia afi si nàyi la. Bu wo ŋu zã kple keli ale be woate ŋu akpe ɖe ŋuwò nàɖɔ ŋu ɖo, eye nànɔ agbe ɖe nu siwo katã le eme la nu, elabe eya ko hafi wò mɔ me akɔ, eye nu sia nu adze edzi na wò nyuie.

Wò ya sẽ ŋu, eye nàwɔ kalẽ vevie ko. Ke ɖo ŋui nàwɔ ɖe se siwo katã nye dɔla Mose de na wò la dzi. Wɔ ɖe seawo katã dzi pɛpɛpɛ ale be nu nadze edzi na wò le afi sia afi si nàyi la.

Ame aɖeke mate ŋu anɔ te ɖe nuwò le wò agbe me ŋkekewo katã me o. Ale si menɔ kple Mose la, manɔ kple wò hã nenema ke. Nyemaɖe asi le ŋuwò o. Nyemagblẽ wò ɖi hã o.

Sẽ ŋu, eye nàwɔ kalẽ elabe wòe le ŋgɔ nɔ ge na dukɔ sia ana woaxɔ anyigba si meka atam be mana wo tɔgbuiwo la.

Abe ale si megblɔ na Mose ene la, anyigba la ƒe afi sia afi si miaɖo afɔe la nye mia tɔ; metsɔe na mi.

“Nye dɔla Mose ku. Eya ta tso, ne mi kple ame siawo katã miatso Yordan-tɔsisi la, eye miayi ɖe anyigba si mele tsɔtsɔm na Israelviwo la dzi.

Le Mose, Aƒetɔ ƒe dɔla, ƒe ku megbe la, Aƒetɔ gblɔ na Yosua, Nun vi, si nye Mose ƒe subɔla be

Anyigba la tso kegbegbe si le anyigbeme va yi Lebanon-to la gbɔ le dzigbeme. Egatso Frat-tɔsisi gã la nu le ɣedzeƒe to Xititɔwo ƒe anyigba me va ɖo ƒu gã la nu le ɣetoɖoƒe gome.

Ame si ke dze aglã ɖe ŋuwò, eye wògbe wò gbe dzi wɔwɔ la, woawui. Wò ya sẽ ŋu, eye nàlé dzi ɖe ƒo ko.”

“Mizɔ to asaɖa la me, eye miaɖe gbe na ameawo be: ‘Midi nuɖuɖu da ɖi elabe miele Yordan-tɔsisi la tso ge le ŋkeke etɔ̃ me, ado ɖe anyigba si Aƒetɔ, mía Mawu la le tsɔtsɔm na mi be wòanye mia tɔ la dzi.’ ”