Popular Bible Verses from Efesotɔwo 6

Share

Elabe menye mí kple amegbetɔwoe le aʋa wɔm o, ke boŋ mí kpakple gbɔgbɔmeŋusẽwo, gbɔgbɔmedziɖulawo, dziɖula siwo le xexe doviviti sia me kple nuvɔ̃ɖi wɔwɔ ƒe ŋusẽ siwo le dziƒonutowo me ke lae le aʋa wɔm.

Mina Gbɔgbɔ la nakplɔ mi mianɔ gbedodoɖa dzi ɣe sia ɣi. Mibia Mawu vevie be wòakpe ɖe mia ŋu. Le esia ta la, mido vevie mianɔ ŋudzɔ, eye mido gbe ɖa vevie ɖe ame siwo katã ŋuti wokɔ la ta.

Mikpla aʋawɔnu siwo katã Mawu tsɔ na mi la, ale be miate ŋu atsi tre ɖe vɔ̃ɖitɔ la ƒe ayemɔwo katã ŋu.

Eya ta mikpla Mawu ƒe aʋawɔnu blibo la, ale be ne ŋkeke vɔ̃ ma va tu mi la, miate ŋu anɔ te awɔ aʋa va se ɖe nuwuwu, eye ŋusẽ naganɔ mia ŋu.

Hekpe ɖe esiawo katã ŋuti la, milé xɔse, si nye akpoxɔnu la ɖe asi. Eyae miate ŋu atsɔ atsi futɔ la ƒe aŋutrɔ siwo le bibim flaflafla la nui. Mitsɔ gakuku, si nye Mawu ƒe agbexɔxɔ la ɖɔ, eye milé Mawu ƒe nya, si nye Gbɔgbɔ la ƒe aʋawɔyi la ɖe asi goŋgoŋ.

Eya ta mitso kpla! Mitsɔ nyateƒe la bla ali dzii, eye mitsɔ nu dzɔdzɔe wɔwɔ ɖo akɔta abe akɔtakpoxɔnu ene. Nyanyui, si hea ŋutifafa vanɛ la, nanye aʋayifɔkpa si miado.

Mlɔeake la, ale si miele ha dem kple Aƒetɔ la la, nagasẽ ŋu ɖe edzi wu to eƒe ŋusẽ triakɔ la me.

Sedede gbãtɔ, si ŋuti ŋugbedodo kpe ɖo lae nye: “Bu tɔ́wò kple nɔwò, be nu nadze edzi na wò, eye nànɔ agbe didi le anyigba la dzi.”

Ɖeviwo, miɖo to mia dzilawo, elabe Aƒetɔ la tɔwoe mienye. Edze be miawɔ esia.