Popular Bible Verses from Mose V 30

Share

Metsɔ agbe kple ku, yayra kple fiƒode le mia ŋkume ɖom egbe. Mele dziƒo kple anyigba yɔm be woanye nye ɖasefowo. Eya ta mitia agbe, be mi kple miaƒe dzidzimeviwo mianɔ agbe. Lɔ̃ Aƒetɔ, wò Mawu la. Ɖo toe, eye nàku ɖe eŋu elabe eyae nye wò agbe, be nànɔ agbe didi le anyigba si ŋu Aƒetɔ ka atam ɖo na tɔgbuiwòwo, Abraham, Isak kple Yakob, be yeatsɔ na wo la dzi.”

Ne èse Aƒetɔ, wò Mawu ƒe se siwo dem mele na wò egbe, ne èlɔ̃e, zɔ eƒe mɔwo dzi, eye èlé eƒe se, ɖoɖo kple kɔnuwo me ɖe asi la, ekema ànɔ agbe adzi fũu. Aƒetɔ, wò Mawu la, ayra wò le anyigba si dzi yim nèle be nàɖaxɔe la dzi.

“Kpɔ ɖa, egbe la metsɔ agbe kple dzɔgbe nyui, ku kple dzɔgbevɔ̃e le ŋkuwò me ɖom be nàtia.

Ao. Nya la tsɔ ɖe gbɔwò kpuie. Ele wò nu me; ele wò dzime be nàte ŋu awɔ edzi.

Aƒetɔ, wò Mawu la, atso aʋa na mia kple wò dzidzimeviwo ƒe dziwo ale be mialɔ̃e kple dzi blibo kple luʋɔ blibo, eye mianɔ agbe.

Aƒetɔ, wò Mawu la, ana nu siwo katã nèwɔna la adze dzi nyuie. Ana viwòwo, wò lãhawo, wò agblemenuwo kple wò kesinɔnuwo asɔ gbɔ ɖe edzi. Aƒetɔ agakpɔ dzidzɔ le ŋuwò, awɔ nyui na wò, abe ale si wòwɔ na tɔgbuiwòwo ene.

Ke ne ègbugbɔ le yonyeme, gbe toɖoɖom, eye èna woflu wò ale be nède ta agu na mawu bubuwo hesubɔ wo la, àtsrɔ̃ avɔ kokoko. Nyee le gblɔm na wò fifi laa. Mànɔ agbe didi le anyigba si dzi yim nèle be nàɖaxɔe le Yordan godo la dzi o.

“Elabe se si dem mele na wò egbe la, menye nane si gɔmesese sesẽ o. Mele didiƒe tso gbɔwò hã o.

Menye dziƒo wòle, ne woabia be: ‘Ame ka ayi dziƒo aɖatsɔe vɛ na mí míase, awɔ edzi mahã?’ o.

Mele ƒu godo, ne woabia be: ‘Ame ka atso ƒu ayi ɖatsɔe vɛ na mí míase awɔ edzi mahã?’ o.