Popular Bible Verses from Mose V 28

Share

“Ne èɖo to Aƒetɔ, wò Mawu ƒe gbe pɛpɛpɛ, lé eƒe se siwo katã mede na wò egbe la me ɖe asi pɛpɛpɛ eye nèwɔ wo dzi la, Aƒetɔ, wò Mawu la, awɔ wò nàde ŋgɔ wu dukɔwo katã le xexea me.

Ne èɖo to Aƒetɔ, wò Mawu ƒe gbe la, yayra siwo katã gbɔna la anɔ dziwò, eye agbenɔnɔ adze edzi na wò.

Aƒetɔ atsɔ wò awɔ ta na dukɔwo, menye asikɛ o. Ado wò ɖe dzi ɖaa, eye màva anyi o, nenye be èse eƒe se siwo dem mele na wò egbe, eye nèlé wo me ɖe asi hewɔ wo dzi.

Aƒetɔ aʋu eƒe nu nyuiwo nɔƒe nu le dziƒo na wò, eye wòana tsi adza ɖe wò anyigba dzi le edzaɣi. Ayra miaƒe dɔwɔwɔwo katã ale be nàdo nu na dukɔ geɖewo, ke wò ŋutɔ ya màdo nu le dukɔ aɖeke gbɔ o.

“Aƒetɔ aɖu wò futɔ siwo ho aʋa ɖe ŋuwò la dzi le ŋkuwò me. Mɔ ɖeka dzi woato ava, ke mɔ adrẽ dzi woato así le nuwò.

Aƒetɔ ayra wò dɔwɔwɔwo katã, eye nu ayɔ wò ava taŋ. Ayra wò le anyigba si tsɔm wòle na wò la dzi.

Ne èle aƒe la, woayra wò, eye ne èyi nugbe hã, woayra wò.

Woayra wò le du me, eye wòayra wò le agble me.

Aƒetɔ ayra wò ŋutɔ viwòwo, wò agblemenukuwo, wò lãwo ƒe viwo; woayra wò nyinɔwo woadzi fũu, eye wò alẽviwo asɔ gbɔ zã.

Ne èlé Aƒetɔ, mia Mawu ƒe seawo me ɖe asi, eye nèwɔ nu si dze eŋu la, aɖo wò nànye dukɔ kɔkɔe nɛ abe ale si wòka atam na wò ene.

Woayra wò kusi kple amɔwɔze.

Aƒetɔ ana wò nukpɔkpɔ adzi ɖe edzi: wò ŋutɔ viwòwo, wò lãwo ƒe viwo kple wò agblemenukuwo asɔ gbɔ ɖe edzi fũu le anyigba si ŋu Aƒetɔ ka atam ɖo na tɔgbuiwòwo be yeatsɔ na wò la dzi.

Anyigba dzi dukɔwo katã akpɔe be Aƒetɔ ŋkɔ le ŋuwò, eye woavɔ̃ wò.

Mègagbe seawo dzi wɔwɔ, adze mawu bubuwo yome, anɔ wo subɔm o.”

“Evɔ ne mèɖo to Aƒetɔ, wò Mawu ƒe gbe o, eye mèlé se kple ɖoɖo siwo katã gblɔm mele na wò egbe la me ɖe asi hewɔ wo dzi o la, fiƒode siwo katã gbɔna la aɖi ŋu wò