Popular Bible Verses from ARoma 6

Share

Muloŋa wulooku wanshidi hikufwa, ilaŋa chamukunkulu chaNzambi hiwumi wahayanyaka, mudi Kristu Yesu, Mwanta wetu.

Muloŋa nshidi hiyikwikala mwanta wenuku; muloŋa mudi muchiyuulu chaluwi, himudi muchiyuulu chanshimbuku.

Dichi kuchijimikilu atujiikili chimu nindi twiŋili mukufwa, kulonda chasaŋwiluwu Kristu mudi afu nalubanji lwakulema kwaTata, dichi ninetu nawa twadi kwenda muwumi wawiha.

Hela yidi yenu yamujimba, bayi muyilubula kunshidi yiikali yakukoŋa nachu nyidimu yaheŋaku. Chiŋa mudilubuli kudi Nzambi, nenu muyantu anasaŋuki dehi mukufwa; mulubuli yidi yenu yiikali yakumukalakelaŋa Nzambi nyidimu yaloŋa.

Chituneluki netu muntu wetu wamukulu amupopeleli dehi hamu naYesu hakulusu, kulonda mujimbiwu wanshidi wikali wasubuka, kulonda kufumisha henohu tubuli kwikala nawa cheŋi muwuduŋu wanshidi.

Chochenochu nawa ninenu aweni difuukulenu nenu muyafu mwambuka kuwanta wanshidi, hakwinza mudi Kristu Yesu munekali amomi nakumuhandila Nzambi.

Tukwakula netudi? Tukakelenu munshidi kulonda luwi lusweji kuvula, tahindi? Chinjila! Etu twafwili nakwambuka kuwanta wanshidi, tukutwesha kuhandilaku cheŋi ŋahi?

Mweluka dehi, neyi mukudilubula kudi muntu mwikali anduŋu jindi akumwovwahila, munekali dehi anduŋu janowu mwovwahilaŋa; hela janshidi nakutwala kukufwa, hela jakwovwahila nakutwala kukuloŋa.

Ichi dinu, tumusakililenu Nzambi, netu hela mwadiŋi anduŋu janshidi, munekali dehi akwakwovwahila munyichima yenu kuntaŋishilu yayitaŋishiluwu. Chayifumishiluwu muwuduŋu wanshidi; mwabalumukili kwikala anduŋu jakuloŋa.