Popular Bible Verses from ARoma 16

Share

Nzambi wakuwunda keŋa achiki Satana mwishina danyendu yenu. Luwi lwaMwanta wetu Yesu Kristu lwikali nanenu.

Enu anakwetu nayilembeleli, babelenu antu aletaŋa kwambuka ninsaŋu yakudimbwisha akwawu, hiyayaŋa mwaya ntaŋishilu yimwadiziluku. Yitondolwelenu

muloŋa antu adi ochu hiyamukalakelaŋa Mwanta wetu Kristuku, akalakelaŋa mavumu awu awenawu; enda adimbeka nyichima yawantu akadi maana namazu awu amwovu akulambisha.

Kisu kisu yena natweshi kuyikolesha mwaya nsaŋu yayiwahi yinashimunaŋami yakushimuna Yesu Kristu, mwaya kumwekesha kwanamwekeshuwu chijindilu chajindiluwu munyaka yamunyima yejima, hakwinza katataka anachimwekeshi dehi, anachitiyakeshi dehi nanyikanda yajila yawatuprofwetu, mwahita nyunza yejima, mwaya kuleja kwaNzambi wahayanyaka, kulonda kuleta kwovwahila kukuhwelela. Kudi yena Nzambi, mwinimaana kankawindi, kwikali lubanji lwakulema mudi Yesu Kristu hayanyaka. Amena.