Popular Bible Verses from ARoma 12

Share

Bayi mulondeja mwelaŋawu antu amakonuku; ilaŋa yitoŋojoka yenu yibalumuki kwikala yayiha; kulonda mushinshiki mwaya muchima waNzambi, diwu wawuwahi, watiyishaŋa kuwaha, walala chikupu.

Dichi enu anakwetu, nayilembeleli hansaŋu yaluwi lwaNzambi, nami, lambulenu nyijimba yenu yili mulambu wamumi, wajila, wakutiyisha nachu Nzambi kuwaha; diwu mudimu wenu wawupristu wamaana.

Zaŋalalenu mukuchiŋeja; tatakenenu hakumona yihuŋu; kakelenu mukulombela chakadi kuzeya.

Kutama bayi kuyimika mushinduku; fwomonenu yatama nayayiwahi.

Keŋaŋanenu nawanakwenu nawushona; itejenu mwinenu abadiki kulema.

Kukeŋa kwenu kubuli wufwikiji. Tiyenu kutama nayuma yatama, kakelenu yuma yayiwahi.

Neyi chikutwesheka, shakamenu chachiwahi nawantu ejima, mwejima mumukutweshela enu aweni.

Enu akwetu twakeŋa, bayi muditendaku; mushili Nzambi iluŋa dakuzuwa, muloŋa anasoneki nawu, MWANTA nahoshi nindi, Yami nukutenda, yami nukufweta.

Hansaŋu yatela kudikwatisha, bayi mulabaku; ikalenu neyena muspiritu, nakumukalakela Mwanta.

Naleji antu ejima adi mukachi kenu, naluwi lwananyinkuwu, nami muntu bayi aditoŋojoka kulema kwakubadika mwatelela kutoŋojokaku; ilaŋa atoŋojoki namuchima wawunda, mwayesekelayi dehi Nzambi antu kukuhwelela wejima wawu.

Bayi mwila mwinenu chatama nakatama kanayiliyuku. Keŋenu kwila yuma yalumbwa kumesu awantu ejima.

Ikalenu nayitoŋojoka yoyimu muntu namukwawu, bayi mudinka wantaku; dikundenu nawantu abula kulema. Bayi muditoŋojoka nenu, yetu tweluka hohuku.

Neyi chilumbu cheyi natiyi nzala, mwinki yakudya adyi; Neyi natiyi mpwila, mwinki menji anwi; Muloŋa neyi mukwila mwenomu, wukumulumbikila makala akesi hamutu windi.

Kiswilenu áyikabishaŋa nkisu; kumina dakukiswila nkisu, bayi kushiŋanaku. Zaŋalalenu nawakwakuzaŋalala, dilenu nawakwakudila.

Kwashenu akwakujila nayuma yabulawu; shenu muchima kukutambula enyi.

Ilaŋa chitukweti yidi yayivulu mumujimba wumu, niyidi yejima hiyikweti mudimu wowumuku, chochenochu nawa etu tudi amavulu tudi mujimba wumu mudi Kristu, muntu himuntu hichidi chamujimbowu.