Popular Bible Verses from ARoma 1

Share

Muloŋa hinatiyaŋa nsonyi yansaŋu yayiwahuku; diyi ŋovu yaNzambi yakwamwina nachu antu ejima akukuhwelela, kusambila aYudeya, niaGriki nawa.

Muloŋa dimu munamwekeni kuloŋa kwaNzambi nakukuhwelela kwakutwala kukukuhwelela; mwomwanasonekuwu nawu, Mukwakuloŋa wakahandila kukukuhwelela.

Kufumisha haleŋeluwu mpata yamunu mwishina, yuma yindi yakadi kumonewa, yinamonewi chalala, yinalumbuluki nayuma yaleŋeliyi, joju ŋovu jindi jahayanyaka niwuNzambi windi; kulonda abuli mwakuleyela.

Muloŋa chamwilukiluwu Nzambi, hiyamulemesheli nawu diyi Nzambuku, hela kumusakilila hiyamusakilililuku, ilaŋa abalumukili kwikala antu akuhemesha muyitoŋojoka yawu; munyichima yawu mwadiŋi mwakadi maana himukwikala mwidima.

Muloŋa ahimpili walala waNzambi nakutwamba, hiyakudifukula kuyuma yaleŋeluwu kudi Nzambi nakuyikalakela, hiyakuleka Nleŋi wakiswilewa hayanyaka. Amena.

Muloŋa kuzuwa kwaNzambi kunamwekani kwiwulu, kwakuzuwila kadiwu kakudiwula Nzambi kejima, nikuheŋa kwawantu awa akaŋeshaŋa walala nakuheŋa kwawu.

Dihu hafumini kuyileka kudi Nzambi akoŋaŋa mwafwilaŋawu mwatama; muloŋa ambanda amukachikawu, hiyakushiya mwayileŋeleluwu nakwila yuma yabulili kuyileŋelawu. Amayala nawa hiyakushiya mwamuleŋeleluwu mumbanda, hiyakusweja lwisu lwakuditamisha nawakwawu amayala, hiyakutambwilamu wulooku watelela kuluwa kwawu. Chalekeluwu kwikala namaana akwiluka Nzambi, Nzambi hakuyileka ekali kwawu nayitoŋojoka yatama, akoŋaŋa yuma yakadi kutela.

Hiyakudishimuna nawu tukweti maana, komana anabalumuki dehi ayisupi. Lubanji lwakulema kwaNzambi wakátokaŋa hiyakulubalumuna nakulumbisha nkishi yafwana neyi muntu watokaŋa, hela atuda, hela anyama, hela yuma yakayilaŋa.