Popular Bible Verses from Roma 1

Share

Nummbe me ke' ko tuswe nkùn mebwô, nummbe a b'a neta Nsi num yôg mba we lo z'a bam nà, nto' num ze Yuda, mbatte ze Grikia.

Nummbe nunetsin Nsi tswite wul i bwe, a num nto' num bamntù, miagte num bamntù, ndaṅndaṅ mba bo na' nkite ndù: Mèn netsin nsi yôg à njam bamntù là.

Fe ngelaṅ njù be là, lén Nsi tse be mènntùn ke ku'ni neyen nà, yen nà b'a ndù: Neta i ze yoṅ ntshù', mba ze nebe Nsi, be mènntùn yen, nummbe zenu i ku'ni nelèn yub ntùm tshu tse Nsi nabte là: Ndùlala ndù kà nu latnta be.

Nummbe mba mba bo lèn Nsi là, bo ke' ghamt'é mba Nsi là, ke labt'é, là nkwatenu mub lo' yub nèn yi num tshu banban, ntù tshob tse kagni sènte ntùm njame.

bo tse bo bate nenùn Nsi num tatte, ngamte mbèn mfa' ju nenabte, ntshùa nganabte là, yi z'a b'a ngambotni yoṅ ntshù' là. Amén.

Yantù Nsi be ntswite wul i mfe kamànyam num newag neghamte Nsi mba num nuketsin ben tse bo be ma' nenùn ndàtsha ntùm nuketsin yub là.

A ndùlala Nsi ma' yub ntùm ghe'te tuswe. Nummbe zwi tshob bate netamte z'a be mat mba bo bwe yub yi là num z'a ke' be mat bo bwe yub yi là, be ndaṅndaṅ, mba bandum faṅ netamte mandum mba mènnzwi z'a be mat mba bo bwe yub yi là, nkù ntùm ghe'te netamte bo bo bandum, nke ngù nu tuswe, ntshùa ndùlala nke nkwé ntsho'fa' mi a ku'ni num yub nefàn manze là num tu wut tshobe. Mba bo na' mbe ke kô nelèn Nsi là, Nsi ma' yub ntùm yôg kagni ndù bo ghù ju z'a ke' bwô neghù là.

Mbe lo' wut tshob mba ghazenu là, ntù' ba mbabune, mbate nkuni Nsi z'a ke' be kwù là num neto z'a b'a mfuni mènntùn z'a be nkwù là, mba num neto z'a b'a mfuni nsaṅe, nyàm nku nkuà mba nyàm tse bo num nsoṅ mbam mub nsi là.