Popular Bible Verses from Nesiaṅe 14

Share

Kà bag bin ta tu Tshùaben. Kà bag bin bwôg tshen benntùn nà tse bo be mum ngô là là, a b'a benntùn nemi mbe' ntshù', bo nsi tshob ngabéb yub a faṅ yub nkùù, mbe se'e mba be là, bag bin mba Tshùaben bèn mbe. Kà bag bin bwôg yube.

Me b'a Tshùaben, ke be ya ntù ndende, ndun nunenùne, nke mfènte nu ze mèn fàn nà, mba neta tu, là ke la' mèn z'a fàn nu là ndo' ngù mèn z'a ke' fàn nà, nke ngù ba tà ntsha ngelaṅ ze bo fàn nu là, tà nèn nkum num bon tshobe zwiaṅ tat mba zwiaṅ kuà.

Ntù Tshùaben bwô num be mb'a nsi lo' be nèn yi ntùm yen ngô là ze mbùn na' mba ṅwa'a yàm ntùm bwe neshu là.

A b'a nda' ngafa' àm Kaléb, nummbe mo' ywèt ghua tshwèt nke ntènt'é a tam njam àm ke lèt wut, me nsi lo' i nèn yi ntùm ngô z'a na' nèn bwe là, ze nzwit a' lo' yen ngô là nke ntô o.

Tshob bo ndù me tshob nsaṅlaṅ bwe mba me be ntùn nà, me nsi ghù num bin mba bin ntshob là.

Tshùaben tshob Mosé ndù: Tshen ben ni nsi wag àm tà nkum à ndùke? Bo nsi tsin negha àm à ndùke? Mba mba me la'te ndèn netèt bo yàm nà à?

Njoṅ bon ba Israél fa tshob Mosé bo Aron ndù: Bag na' nkwù à ntùm ngô Egipto mb'a lo bwô yage, ke nekwù mba num kônkwa lo.

Yoshua, nshum Nun, bo Kaléb, nshum Yéfuné, ze bo na' mbe netèt ghantum ngô Kanaan nà, fagte nzwe tshob num bo, ntshob njoṅ ntse'te bon ba Israél fa ndù: Yen ngô là ze bag zinte ntùm bwe là, b'a kua' ngô mebwô neshu.

Mba ndùlala, mba me be ntùn nà b'a mba kuni Tshùaben dun num nsitsha' fa là. Sàm ta' mèn netèt tshen ben ni tse kuni àm mba ndèn ze me ghù ntùm ngô Egipto mba num kônkwa, ze bo yà laṅt'àm yoṅ gham ke ju' ntshu àm nà, sàm mèn netèt bo, me tshob nsaṅlaṅ bwe ke nsi yen ngô ze me na' mbù ba tà tshob là, sàm mèn z'a wag àm nà ke nsi yen yen ngô là.