Popular Bible Verses from Rm 14

Share

Amu éjôé Zambe é nji bo ndian a nyuan, ve *zôsôô, *mvo'é a mevak e mfufube Nsisim été. Mboone Krist ésaé, avale te, ñwô ô ne mvaé e be Zambe, a nkañesane be bôt.

Amu nge bia nyiñ, bia nyiñ amu Nti, a nge bia wu, bia wu e be Nti. Ajô te ja'ane bia nyiñ, nge wu, bi ne ba be Nti.

Nde, e njeñane mam me ne mvaé, a nkômôtane ya kômôtô wua a nyô mbok.

Ajô te e mbo'one te veane wua a nyô mbo'o mekua. Ve bi tyi'i na, môt a bo te bôôé monyañe jôme ja kolé nye ôbak nge kpwéé nye.

Amu e ne ntilane na: ane me vee, nalé Nti a jô, aboñ ese da ye kutubane si asu dam, a ôyem ôse wo ye ve Zambe duma. Ajô te môt ase a ye yalan ajô dé émiene be Zambe.

Nyoñane nyô a ne atek e mbunan été. A te veane nye mekua mfa'a ya asimesane dé.

O ne za wo tyi'i éza mbo ésaé ajô? Nge a ku, nge tebe, e ne ajô masa wé. A ye tebe ngu amu Nti a bili ngule ya telé nye.