Popular Bible Verses from Nlb 20

Share

Ve Nti a nga jô Môze a Arone na: Mi nji ke tabe ma ndi, mi nji ke jô'é na étyi jam é yené e mise bone b'Israél! Ajô te ñhe saa fe mia mia ye wulu e bôte ba a kui be e si ma ve be

Nyoñe ntume wôé a sulane bone b'Israél; wo ye kobô akôme di bebien be lôô, a da ye ve mendim; yaa wo ye bo na mendim me vam akôme di a ve bone b'Israél a mimbame miabe mendime ya nyu!

Nde Môze a nga bete wo a bibi akôm biyoñ bibaé a ntume wé. Awolo te ebien nde abui mendim é nga vam akôme te, a bone b'Israél be nga bo nguleya vaa évé jap, nalé fe mimbame biyem.

Nde baa Aron be nga loon ékôane bôt, be tebe ôsu ya akôme Nti a nga jô de a kate be na: Vô'ôla'an a mia bebene njôan! Ye bi ne nguleya kuli mia mendim me so'o akôme di'