Popular Bible Verses from Nk 20

Share

Me ne Nti e Zambe wôé, nyô a nga bo wo ô kôlô Ejipte *nda belo: Te bi bezambe befe ôsu viam.

Wo ye bo te bi jôm é ne nkpwelan nge bi éve'ela'a ya jôm ése é ne yôp été nge *si nyô si, nge mendim me ne e si nyôna si; Te kute bie meboñe si nge kañe bie, amu me ne Nti e Zambe wôé, nyô a ne *aban, nyô a ve *bon melep amu *abé b'ésaa bap, akekui miaé lale nge miaé nyini ya ba ba vini ma

Semé'é ésoo ba nyua, nalé ate wo ye tabe melu abui e si Nti Zambe wôé a ve wo.

Simesa'ane môse *sabat a telé wô étyi.

Wo ye bo te tote jôé Nti étotetoté, amu Nti a nji yene môt te bijô, nye a tote jôé dé étotetoté.

Wo ye saé tañe môse minsaman a bo bisaé biôé bise. Ve wu zamgbwale ô ne môse awo'on mfa'a Nti e Zambe wôé. Te bo avale ésaé éziñ *môs ôte, to'o womien to'o monafame wôé, to'o mona minga wôé, to'o mbo ésaé wôé a ne minga, to'o nyô a ne fam, to'o biyeme biôé, to'o beyeñe bôé be too nlame wôé.

Te nyamete *nda môt mia nye mi too, nge nyamete minga wé, nge mbo ésaé wé a ne fam, nge nyô a ne minga, nge éjakase jé nge jôme éziñ jé éfe ése.

Te bôte môt ajô.

Te bo *mejian.

Te wôé môt.

Te wup.