Popular Bible Verses from Kạhtukko 3

Amakʼ goṭa ontorte Probhu Isorre bhorsa akae tahenme; ar amakʼ bujre do alom bhorsakʼa. Amakʼ calakʼ horre uni do samaṅre dohokaeme; unige amakʼ sanam horkoe sojheytama.

Apnar mẽtʼre budan do alom hoyokʼa; Probhu Isor botoraeme, ar bạṛicʼakʼ khon pharakre tahenme.

Am do amakʼ dhon duribko reakʼ ar amakʼ phosolko reakʼ pạhilakʼ hĩsko Probhu Isor samaṅaeme ar manot emaeme; Inạ khan amakʼ murạiko do phosolkote perejokʼtama ar hanḍhako khon nãwã darkha rasa hõ buhel oḍokokʼa.

Pạtiạr ar dhorom do tishõ aloe bạgiwam ma; amakʼ hoṭokʼre onako bedhao dohokakʼme, ar amakʼ ontorre hõ ol dohokakʼme.

E bạbu, Probhu Isorakʼ ḍanṭao baṛe moneyakʼme, uniye egerlemre alom ạtruńokʼa; ente apat cetʼleka acʼren hopone egere onkage Probhu Isor hõ acʼ okoeye dulạṛe unigeye egerea.

E bạbu, ińakʼ sikhnạt do alom hiṛińa, amakʼ goṭa ontorre ińakʼ hukumko dohoyme; onate am do ḍher dinem bahaokʼa ar amakʼ do ḍher bhạlại hoyokʼtama.

Bhạgangeae uni hoṛ, okoe do ạkile ńam bakʼṛakan ar buje hameṭ joṅkan, ente onare do rupạ reakʼ bạnij khon hõ bạ̃ṛti lab menakʼa, ar sona khon hõ ḍher lab hoyokʼa; Mạnikko khon hõ ạkil do bạ̃ṛti damangea, amakʼ khojakʼ leka jãhãnakʼ jinis tulucʼ ona reakʼ juri do oho hoylena.

Okoe bhạlại ńam lạgitʼko lek kan onko bhạlạiko lạgitʼ tinre daṛe tahen tama unre ona onkae do alom baṅa.

Probhu Isorakʼ ạkilte dhạrti do bạisạu akana, ar uniyakʼ bujte serma doe bandhao akada.