Popular Bible Verses from Mathae 10

Share

“Ńelpe, iń do hunḍạrko talare bhiḍiko lekań koletʼpea. Onate biń leka husiạrokʼpe ar parwa leka soṛa hoyokʼpe.

Okoe acʼakʼ jiwi bańcaotae reakʼe monejoṅ uni do sạriyakʼ reakʼ jione adtaea. Menkhan okoe iń lạgitʼ acʼakʼ jiwiye adtae uni do sạriyakʼ reakʼ jione rukhiyạitaea.

Okoe eken hoṛmo motoko gocʼ daṛeakʼ menkhan jiwi do baṅ onko do alope botorakoa. Menkhan okoe hoṛmo ar jiwi banarge norokre marao reakʼ daṛe menakʼtae unige botoraepe.

Okoe acʼakʼ kurus gokʼkate bae pańjayiń uni hõ ińre lek doe baṅkana.

“Jãhãege hoṛko samaṅre ińe aṅgociń iń hõ ińren sermare menae Baba samaṅre uniń aṅgocea. Menkhan okoe hoṛko samaṅre ińe baṅeń iń hõ ińren sermare menae Baba samaṅre uniń baṅea.

Ona chaḍa rugiko bogekope, gocʼko jiwetʼkope, murhucʼ jom hoṛ bogekope ar bạṛicʼ jiuko oḍok giḍikope. Ape do begor damtepe ńamakada, begor damtege emakope.

Onate alope botorokʼa. Ente aema aema ghaṛwa cẽṛẽko khon hõ apeakʼ dam do ḍher bạ̃ṛtigetapea.

“Dhạrtite suluk emokʼiń hecʼakana mente do alope hudisa. Suluk emokʼ do bạń hecʼakana bickom tarwaṛege.