Popular Bible Verses from Josuạ 1

Share

Iń do amiń hukum akatʼmea, onate daṛean hoyokʼme ar monre dil dohojoṅme. Ar alom botorokʼa se alom as chuṭạukʼa, ente jãhãtegem senokʼ onḍege amren Probhu Isor do am sãoteye tahena.”

Ạn-ạri reakʼ niạ puthire okako ol menakʼ ona do jao okte amakʼ mocare tahenma. Ar ona jemonem pańja daṛeakʼ onate siń-ńindạm khondrondjoṅa. Onate jotowakʼrege sarhekʼtama ar bhạlại hoyokʼtama.

Daṛean hoyokʼme ar dil dohoyme. Ińren guti Mose okako ạn-ạrikoe em oṭoakatʼ onako moneyakʼme ar dohoyme ona khon thoṛa hõ alom hante natekʼa. Ar onate jãhãregem calakʼ onḍege sarhekʼtama.

Ar tinạkʼ din jiwetʼem tahen celege am upạrte do ohoko teṅgo daṛelena. Cetʼleka Mose sãoteń tahẽkan onkage am sãote hõń tahena; iń do tishõ bạń bạgi giḍimea ar bạń alaemea.

“Am do daṛean hoyokʼme, ar monre dil dohoyme, ente okaṭakʼ disạm emokʼ reakʼ katha nokoren hapṛamko ṭheniń gokʼletʼ, ona disạm do ạidạri lekate amge onkom hạṭińakoa.

Ar okako jaegare apeakʼ jaṅga talka lebedokʼ onako joto do apeń emapea. Mose ṭhen iń do onageń gokʼleda.

“Ińren guti Mose doe gocʼena. Ona iạte ńitokʼ do amge noko Israelko ona jordan gaḍa paromokʼ lạgitʼ sapṛaokom ar okaṭakʼ disạm onkoń emako lạgidokʼkan onḍe bolokʼme.

Probhu Isorren guti Moseyakʼ gujukʼ tayom Probhu Isor do Moseren gokʼṛoyicʼ Nanren hopon Josuại metadea

Apeakʼ disạm do hahaṅkar khon Lebanon hạbicʼ ar purub reakʼ maraṅ gaḍa Uphreṭis hạbicʼ ar pạchim reakʼ maraṅ jalapuri hạbicʼ metakʼme Hittikoakʼ goṭa ṭoṭha.

Ar jãhãege amakʼ hukum upạrteye teṅgokʼ ar amakʼ katha leka bae calakʼ enḍekhan uni doe gocʼ ocokʼa. Am do eken daṛean hoyokʼme ar dil dohojoṅme.”

“Ḍerate senkate hoṛko metakope jemon akoakʼ jomakʼ ar ńũiyakʼkote sapṛao akanko tahen. Ente onkoren Probhu Isor okaṭakʼ disạm do sompotti lekateye emako lạgidokʼkan onḍe senkate dokhol lạgitʼ pe din bhitrite nonḍe khon jordan gaḍa paromokʼ hoyokʼtakoa.”