Popular Bible Verses from Exodus 2

Share

Isor do onkoakʼ rakʼe ańjomketʼtakote Abraham, Isahak ar Jakob lạgitʼ okaṭakʼ bondobose doholetʼ ona kathae disạkeda. Uni do Israelko secʼe beṅgetʼkeda ar onkoe moneyatʼkoa.

Ḍher din tayom Misorren raj doe gocʼena. Ar Israelko do golam khaṭao iạte ạḍi ala jhalareko paṛao akan tahẽkana. Noa khon chaḍao ńam lạgitʼ onkoakʼ rakʼ do Isor ṭhen seṭerena.

Gidrạ thoṛae harayen khan maejiu do Pharaoren hoponera ṭhene idikedea, ar uni do acʼren gidrạ lekae ataṅkedea. Uniye menkeda, “Nui do dakʼ khoniń owar rakapʼ akadea.” Ar onate uniyakʼ ńutum do Moseye dohoketʼtaea.

Pharaoren hoponera do uniye metadea, “Nui gidrạ idikate nunu harawạńme. Noa lạgitʼ iń do betoniń emama.” Unre uni maejiu do gidrại idikedea are nunu harakedea.

Thoṛa ghạṛicʼ khange Pharaoren hoponera do ḍạbrạkʼ lạgitʼ gaḍateye hecʼena. Ar unre uniren kạ̃ṛmĩko do gaḍa aṛe aṛeteko dãṛã baṛaekan tahẽkana. Unre uni do pạṭiol gajaṛre mitʼṭecʼ pạṭạriye ńelńamketʼ khan acʼ ṭhen ạguiy lạgitʼ mitʼṭen kạ̃ṛmĩye kolkadea.

Mose doe sẽṛãyen khan mitʼdin uni do acʼ jạtrenko sãote ńapamokʼ lạgitʼe oḍokena ar hamal gokʼ bhạriạ kạmiye ńelketʼkoa. Uni do arhõe ńelkeda, Misorren mitʼṭen hoṛ do Ibrikoren mitʼ hoṛe dale kana. Unre uni do beṛhaete koyokʼ baṛakate okoehõ bae ńel ńamletʼkoa. Khan uni Misri hoṛe gocʼkedea ar gitilreye topakadea.