Popular Bible Verses from Daniel 9

Share

Ińren Isor Probhu ṭheniń koejoṅana ar kại aṅgockateń menkeda, “E Probhu, am do maraṅ ar botoricʼ Isor kanam. Am do bondobos ar daya onko tulucʼem dohoyeda okoe do amko dulạṛetʼme ar amakʼ hukumko dohoyetʼtam.

E ińren Isor, luturakʼme baṛe; ar ańjomme; amakʼ mẽtʼ jhijme ar okaṭakʼ nagraha do amakʼ ńutumte bikạuakan ona reakʼ ujạṛakʼ mitʼ dhao beṅgetʼakʼme. Aleakʼ gunte do baṅ bickom amakʼ maraṅ dayate am ṭhenle nehõrokʼ kana. E Probhu, ańjomme. E Isor, ikạkaleme. E Probhu moneyakʼtaleme, ar jãhãnakʼ baṛe cekaeme. E ińren Isor, amakʼ ńutum rukhiyạitam lạgitʼ ar alom biloma, ente amakʼ nagraha ar amren hoṛko do amakʼ ńutumtegeko bikạu akana.”

Ona iạte iń do upạskate, gõṛẽ kicricʼ horokʼkate ar torocʼ ojokʼkate nehõr salakʼ Probhu Isor ṭheniń koejoṅana.

Aleren Probhu Isor do dayakʼicʼ ar ikʼkạyicʼ Isor kanae, enhõ ale do am upạrtele hul akada.

Ar uni disạm cakʼlaoicʼ do mitʼ hapta lạgitʼ ḍher hoṛko sãote keṭecʼ mitʼṭecʼ bondobose bandhaoa, ar tala hapta hạbicʼ uni do teṅgenokʼakʼ ar jomakʼ samaṅokʼakʼe caba ocoya; ar jarkharicʼ do hirkhạwakʼko reakʼ phạ̃kṛạ̃kʼteye hijukʼa niṭakatʼ sumạrokʼ jarkharicʼre ạuri dul bubhạukʼ hạbicʼ.”